Kronika I, 13:3 - BAIBLO ALOO NGMAMI KLƆUKLƆU Ɔ

³ Kɛkɛ ɔ, wa ma ya ngɔ Mawu somi daka a kɛ ba; ejakaa kɛ je be nɛ Saul ba bɔni tsɛ yemi ɔ, wa ya bi we si.”

Kronika I, 13:3 ပူးပေါင်းရင်းမြစ်များ

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel I, 22:15

Anɛ mwɔnɛ ɔ nɛ i bɔni Mawu ga womi bimi kɛ lɛ hami lo? Dɛbi! Nɛnɛ, koo po sane ngɔ fɔ o tsɔlɔ, loo o tsɔlɔ weku li a nɔ; ejakaa i li nɔ́ nɛ ɔ he nɔ ko kulaa.”

Samuel I, 22:10

Ahimelek bi Yawɛ ga womi ha David. Lɔ ɔ se ɔ, e ha lɛ ní, nɛ e ngɔ Goliat, Filisti no ɔ klaate ɔ hu ngɔ ha lɛ.”

Samuel I, 14:36

Jehanɛ Saul de e we bi ɔmɛ ke, “Nyɛ ha waa ho nɛ wa ya tua Filisti bi ɔmɛ nyɔ mi; waa ha a níhi kɛ yaa si mɔtu, nɛ waa gbe mɛ tsuo pɛpɛɛpɛ.” Ma a he nɔ ke, “Nɔ́ tsuaa nɔ́ nɛ o suɔ kaa o maa pee ɔ, mo pee.” Se osɔfo ɔ de ke, “Nyɛ ha wa bi Mawu ga womi lolo.”

Samuel I, 14:18

Jamɛ a ligbi ɔ, osɔfo Ahiya ji nɔ nɛ ngɛ Mawu somi daka a nɔ hyɛe. Lɔ ɔ he ɔ, Saul de lɛ ke, “Yaa ngɔ Mawu somi daka a kɛ ba hiɛ ɔ.”

La 132:6

Wa nu somi daka a he ngɛ Betlehem, nɛ wa ya na ngɛ Yearim ngmɔ ɔmɛ a mi.

Kronika I, 13:2

Lɔ ɔ se ɔ, e de Israel ma a tsuo ke, “Ke nyɛ kplɛɛ nɔ, nɛ e sa Yawɛ, wa Mawu ɔ hu hɛ mi ɔ, nyɛ ha waa tsɔ ya de wa nyɛmimɛ ɔmɛ nɛ piɛ ngɛ Israel zugba a mi ɔ, kɛ osɔfo ɔmɛ, kɛ Levi bi ɔmɛ ngɛ a ma amɛ a mi, nɛ a kɛ wɔ ba kpe ngɛ hiɛ ɔ.

Kronika I, 13:4

Ga nɛ David wo nɛ ɔ sa ma a hɛ mi, nɛ nɔ tsuaa nɔ kplɛɛ kaa a pee ja.

Kronika I, 15:13

Akɛnɛ kekle ɔ, pi nyɛ nɛ nyɛ hɛɛ daka a he je ɔ, Yawɛ, wa Mawu ɔ gbla wa tue; ejakaa wa hyɛ we daka a nɔ kaa bɔ nɛ e to kaa a pee ɔ.”