Kronika I, 13:2 - BAIBLO ALOO NGMAMI KLƆUKLƆU Ɔ

² Lɔ ɔ se ɔ, e de Israel ma a tsuo ke, “Ke nyɛ kplɛɛ nɔ, nɛ e sa Yawɛ, wa Mawu ɔ hu hɛ mi ɔ, nyɛ ha waa tsɔ ya de wa nyɛmimɛ ɔmɛ nɛ piɛ ngɛ Israel zugba a mi ɔ, kɛ osɔfo ɔmɛ, kɛ Levi bi ɔmɛ ngɛ a ma amɛ a mi, nɛ a kɛ wɔ ba kpe ngɛ hiɛ ɔ.

Kronika I, 13:2 ပူးပေါင်းရင်းမြစ်များ

Samuel I, 31:1

Ligbi ko ɔ, Filisti bi ɔmɛ, kɛ Israel bi ɔmɛ hwu ta ngɛ Gilboa yo ɔ nɔ. A gbe Israel bi ɔmɛ babauu nitsɛ ngɛ lejɛ ɔ, nɛ Saul, kɛ e binyumu ɔmɛ, kɛ ni nɛmɛ nɛ piɛ ɔ tu fo.

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Abɛ Womi 15:22

He nɛ ga womi be ɔ, yi mi tomi peeɔ yaka; se he nɛ ga woli hiɛ ngɛ ɔ, níhi yaa nɔ pɛpɛɛpɛ.

Kronika I, 10:7

Benɛ Israel bi ɔmɛ nɛ ngɛ Yezreel kɔ̃ ɔ mi ɔ nu kaa Israel ta a gbɛ, nɛ jehanɛ hu, Saul kɛ e binyumu ɔmɛ gbo ɔ, a tu fo kɛ je a ma amɛ a mi; nɛ Filisti bi ɔmɛ ba nɛ a ba hi lejɛ ɔmɛ.

Matsɛmɛ II, 9:15

Se Matsɛ Yoram kpale e se kɛ ba Yezreel, konɛ plaami nɛ Siria bi ɔmɛ plaa lɛ ngɛ ta a nɛ e kɛ Siria matsɛ, Hazael hwu ɔ mi ɔ, e ba tsa e he. Kɛkɛ nɛ Yehu de e nyɛmimɛ asafoatsɛmɛ ɔmɛ ke, “Ke nyɛ ngɛ ye se niinɛ ɔ, lɛɛ nyɛɛ hyɛ nɛ nɔ ko nɔ ko nɛ ko tu fo kɛ je ma a mi nɛ e ya bɔ amaniɛ nɛ ɔ ngɛ Yezreel.”

Matsɛmɛ I, 12:7

A he nɔ ke, “Ke o ma ha ma nɛ ɔ a ní bimi ɔ heto kɛ gbi nɛ he jɔ, nɛ o maa kplɛɛ kaa o maa hɛɛ mɛ saminya a, a ma sɔmɔ mo daa.”

Mose II, 18:23

Ke o pee enɛ ɔ kaa bɔ nɛ Mawu fa mo ɔ, lɛɛ pɔ be mo tɔe, nɛ ni ɔmɛ tsuo maa kpale kɛ ho a wehi a mi ya kɛ tue mi jɔmi.”

Kronika I, 13:1

Matsɛ David kɛ e we asafoatsɛmɛ ɔmɛ nɛ ji ta buli akpehi kɛ lafahi a nyatsɛmɛ ɔmɛ kpe.

Kronika I, 13:3

Kɛkɛ ɔ, wa ma ya ngɔ Mawu somi daka a kɛ ba; ejakaa kɛ je be nɛ Saul ba bɔni tsɛ yemi ɔ, wa ya bi we si.”