Kronika I, 13:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, a wo lejɛ ɔ biɛ ke Perez Uza, nɛ ja a tsɛɔ lɛ kɛ ba si mwɔnɛ ɔ. E dɔ David kaa Yawɛ ngɔ abofu kɛ gbla Uza tue.

Kronika I, 13:11 ပူးပေါင်းရင်းမြစ်များ

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Yona 4:4

Yawɛ bi lɛ ke, “E da ha mo kaa o mi mi fuɔ lo?”

Samuel II, 6:9

David ye Yawɛ gbeye jamɛ a ligbi ɔ, nɛ e bi ke, “Lɛɛ kɛ ma pee kɛ ngɔ somi daka a kɛ ya we mi kɛɛ?”

Samuel II, 6:7

Se Yawɛ Mawu mi mi fu Uza, nɛ e fia lɛ nɔ́ nɛ e gbe ngɛ lejɛ ɔ, ejakaa e nine ta daka a he.

Yoshua 4:9

Jehanɛ, Yoshua hu kɛ tɛ nyɔngma kɛ enyɔ ɔmɛ ma si ngɛ Yordan pa a mi, he nɛ osɔfo ɔmɛ nɛ tloo somi daka a da si ngɛ ɔ. (Tɛ nɛ ɔmɛ ngɛ pa a mi ngɛ lejɛ ɔ kɛ mwɔɔ.)

Mose V, 34:6

Yawɛ pu lɛ ngɛ kɔ̃ ko mi, ngɛ Moab zugba a nɔ, ngɛ Betpeor ma a hanɔ; se nɔ ko nɔ ko li he tutuutu nɛ a pu lɛ ngɛ kɛ ba si mwɔnɛ ɔ.

Mose I, 32:32

Kɛ ba si mwɔnɛ nɛ ɔ, Israel bi yi lo nɛ ngɛ mlɛ mi tsami he ɔ, ejakaa Yakob mlɛ mi tsami he ɔ ji he nɛ nyumu ɔ fia nɔ́ ɔ nɛ.

Kronika I, 13:10

Se Yawɛ mi mi fu Uza, nɛ e fia lɛ nɔ nɛ e gbe ngɛ lejɛ ɔ, ejakaa e nine ta daka a he. Uza gbo ngɛ lejɛ ɔ ngɛ Mawu hɛ mi.

Kronika I, 13:12

David ye Mawu gbeye jamɛ a ligbi ɔ, nɛ e bi ke, “Lɛɛ kɛ ma pee kɛ ngɔ somi daka a kɛ ya we mi kɛɛ?”

Mose II, 19:22

Jã kɛ̃, osɔfo ɔmɛ nɛ mɛɛ a nyɛɔ suu ye he ɔ, mɛ hu hyɛ nɛ a tsukɔ a he, bɔ nɛ pee nɛ Yawɛ ko ba kpata a hɛ mi.”

Kronika I, 15:13

Akɛnɛ kekle ɔ, pi nyɛ nɛ nyɛ hɛɛ daka a he je ɔ, Yawɛ, wa Mawu ɔ gbla wa tue; ejakaa wa hyɛ we daka a nɔ kaa bɔ nɛ e to kaa a pee ɔ.”