Kronika I, 12:8 - BAIBLO ALOO NGMAMI KLƆUKLƆU Ɔ

⁸ Gad ta buli komɛ nɛ he biɛ hu ba piɛ David he ngɛ e laami he ɔ ngɛ nga a nɔ. A ji nihi nɛ a le tsɛ̃i kɛ aklɔ he ní tsumi saminya. A hɛ mi ngɛ gbeyegbeye kaa jata hɛ mi, nɛ a he sɔɔ kaa odabɔ.

Kronika I, 12:8 ပူးပေါင်းရင်းမြစ်များ

Samuel II, 2:18

Zeruya binyumu etɛ ɔmɛ hu ngɛ lejɛ ɔ. Mɛ ji Yoab, Abishai, kɛ Asahel. Asahel nane nya sɔɔ kaa alɔngɔ.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

Samuel II, 17:10

Ke e ba mi ja a, nɔmlɔ nɛ lɛɛ e tsui wa kaa jata po sawale maa nu lɛ, ejakaa Israel tsuo le kaa o tsɛ ɔ, tatsɛ nguaa ji lɛ, nɛ e we bi ɔmɛ hu katsɛmɛ ji mɛ.

Yeremia 46:9

Nyɛ okpɔngɔhi, nyɛɛ ya nyɛ hɛ mi esɔ. Nyɛ zugba lɛhi, nyɛ sa fo! Nyɛ katsɛmɛ, nyɛɛ je kpo: Sudan kɛ Libia tsɛi hɛɛli, kɛ Lidia kɛ̃ɛ̃ tsɛ̃li nɛ nyɛ nine nya da.’ ”

Lahi 8:14

Ye suɔlɔ, ba ye ngɔ esɔ; tuu kaa batslɔɔ kɛ ba ye ngɔ; tuu kɛ ba kaa odabɔ niheyo tuɔ ngɛ yo ɔmɛ a nɔ he nɛ tsopa kɛ e he via tsohi ngɛ ɔ.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Abɛ Womi 6:5

Je o he kɛ je sane nɛ ɔ mi esɔ kaa bɔ nɛ odabɔ, aloo lohwe pɛlitsɛ tuɔ detsɛ nya fo ɔ.

Kronika II, 25:5

Matsɛ Amazia dla nyumuhi tsuo nɛ ngɛ Yuda, kɛ Benyamin wɛtso ɔmɛ a mi ɔ kɛ wo tabohi a mi we puɔ nya we puɔ nya. E ngɔ asafoatsɛmɛ ngɔ to nihi akpehi kɛ lafahi a nya, nɛ a na ta buli akpe lafa etɛ nɛ ji nyumuhi nɛ a ye jeha nyingmi enyɔɔnyɔ, kɛ ni nɛmɛ nɛ ye pe ja. Nimli nɛ ɔmɛ ɔ, ta buli nɛ a kɔni si wa ji mɛ tsuo pɛpɛɛpɛ; a le bɔ nɛ a kɛ akplɔ kɛ tsɛ̃i hwuɔ ta ha.

Kronika I, 12:16

Ligbi ko ɔ, Benyamin bi kpa komɛ kɛ Yuda bi komɛ ba David ngɔ ngɛ e tɛ puɔ ɔ mi.

Kronika I, 11:22

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e pee ní nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ. Jehanɛ hu, ligbi ko benɛ snoo ngɛ nɛe ɔ, e ya sɛ muɔ ko mi nɛ e gbe jata ngɛ lejɛ ɔ.

Kronika I, 11:16

Jamɛ a be ɔ, David ngɛ tɛ puɔ ɔ mi, nɛ Filisti tabo ɔmɛ ekomɛ hu ngɛ Betlehem.

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Samuel I, 24:22

David ka Saul kita kaa bɔ nɛ Saul ngɛ hlae ɔ. Lɔ ɔ se ɔ, Saul je kɛ ho we mi ya; nɛ David kɛ e we bi ɔmɛ hu kpale a se kɛ ho tɛ puɔ ɔ mi ya.

Samuel I, 23:29

David je lejɛ ɔ nɛ e ya hi tɛ puɔ mi ngɛ Engedi.

Samuel I, 23:14

David ya laa e he ngɛ tɛ puɔhi a mi ngɛ yoku ko nɔ, ngɛ Zif nga a nɔ. Daa ligbi ɔ, Saul hlaa David he blɔ; se Mawu je we lɛ ngɔ wui e dɛ mi.

Kronika I, 12:9

A nya dalɔ ji Ezer, nɛ nihi nɛ ba ngɛ e se ji Obadia, Eliab, Mishmana, Yeremia, Atai, Eliel, Yohanan, Elzabad, Yeremia, kɛ Makbanai.