Kronika I, 12:20 - BAIBLO ALOO NGMAMI KLƆUKLƆU Ɔ

²⁰ Benɛ David kpale kɛ yaa Ziklag ɔ, ta buli nɛ je Manase nɛ ku ya nyɛɛ e se ji Adna, Yozabad, Yediael, Mikael, Yozabad, Elihu, kɛ Ziletai. Ta buli akpehi a nyatsɛmɛ ji mɛ tsuo ngɛ Manase wɛtso ɔ mi.

Kronika I, 12:20 ပူးပေါင်းရင်းမြစ်များ

Samuel I, 29:11

David kɛ e we bi ɔmɛ te si mɔtu mla nɛ a kpale kɛ ho Filistia ya; nɛ Filisti bi ɔmɛ hu pue nɔ kɛ ho Yezreel ya.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”

Mose V, 1:15

Lɔ ɔ he ɔ, i ngɔ wɛtsoyihi nɛ ji nyumuhi nɛ le ní, nɛ a ngɛ juɛmi, nɛ a ngɛ biɛ kpakpa nɛ nyɛ hla a ngɔ to ma a nya. Ni komɛ hyɛ nimli nyɔngma nɔ, ni komɛ hyɛ nimli nyingmi enuɔ nɔ, ni komɛ hyɛ nimli lafa nɔ, nɛ ni komɛ hu hyɛ nimli akpe nɔ. Jehanɛ i hla nɔ hyɛli kpa komɛ kɛ je nyɛ wɛtso ɔmɛ tsuo a mi.”

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Samuel I, 29:3

Benɛ Filisti tatsɛmɛ ɔmɛ na mɛ ɔ, a bi ke, “Mɛni Hebri bi nɛ ɔmɛ ngɛ pee ngɛ hiɛ ɔ?” Akish he nɔ ke, “Israel matsɛ, Saul tsɔlɔ David ɔ ji nɛ ɔ nɛ. E kɛ mi ba hi si jeha saii ji nɛ ɔ nɛ. Kɛ je be mi nɛ e bɔ ko ba dumɔ mi kɛ ba si mwɔnɛ ligbi nɛ ɔ, i nɛ yayami ko yayami ko ngɛ e he.”

Kronika I, 8:20

Elienai, Ziletai, Eliel,

Kronika I, 12:19

Benɛ David kɛ Filisti bi ɔmɛ hia nɛ a kɛ Matsɛ Saul yaa hwu ta a, ta buli komɛ ku kɛ je Manase wɛtso ɔ mi, nɛ a ba piɛ David he. Anɔkuale mi ɔ, David ya piɛ we Filisti bi ɔmɛ a he kɛ hwui ta a. Filisti matsɛmɛ ɔmɛ nitsɛmɛ ba na kaa ke a hyɛ we nɛ e hi ɔ, David maa je a se, nɛ e ma ya piɛ e nyɔmtsɛ Saul ɔ he, nɛ a maa fia mɛ Filisti bi ɔmɛ se nya kɔ̃. E nɛ ɔ he je ɔ, a ha nɛ e kpale e se.

Kronika I, 12:21

A ba piɛ David he nɛ e pee mɛ asafoatsɛmɛ ngɛ e tabo ɔmɛ a nya, ejakaa ta buli katsɛmɛ nɛ he biɛ ji mɛ tsuo pɛpɛɛpɛ.

Samuel I, 29:4

Se Filisti tatsɛmɛ ɔmɛ a mi mi fu Akish, nɛ a de lɛ ke, “Ha nɛ nyumu ɔ nɛ kpale e se kɛ ya he nɛ o ngɔ ha lɛ ɔ. Waa kɛ lɛ be ta yae nɛ e ba plɛ wo wɔ ngɛ ta a mi nɛ e fia wɔ senya kɔ. Mɛni nɔmlɔ nɛ ɔ kɛ ma kpata e nyɔmtsɛ ɔ, nɛ maa sa e hɛ mi pe nimli nɛ ngɛ hiɛmɛ nɛ ɔ a yi koklodohi?