Kronika I, 12:2 - BAIBLO ALOO NGMAMI KLƆUKLƆU Ɔ

² Ta buli nɛ ɔmɛ ɔ, Saul nitsɛ nyɛmimɛ Benyamin bi ji mɛ. A nine nya da saminya; a nyɛɔ nɛ a kɛ a hiɔ nine, loo a muɔ nine tsɛ̃ɔ kɛ̃ɛ̃, aloo a fɔɔ amlami tɛ.

Kronika I, 12:2 ပူးပေါင်းရင်းမြစ်များ

Manyadali 20:16

Ta buli lafa kpaago ɔmɛ nɛ a je blɔ hla nɛ ɔ, muɔtsɛmɛ ji mɛ; a nine nya da bɔ nɛ a ti nɔ tsuaa nɔ ma nyɛ fɔ amlami tɛ kɛ ya na yi bwɔmi nɛ e be e he bee kɔkɔɔkɔ.

Manyadali 3:15

Se Israel bi ɔmɛ fa kue ha Yawɛ, nɛ Yawɛ je kpɔlɔ ko ha mɛ. Lɛ ji Ehud, Benyamin no Gera binyumu ɔ; muɔtsɛ ji lɛ. Israel bi ɔmɛ tsɔ lɛ Moab matsɛ, Eglon ngɔ kɛ nike níhi.

Samuel I, 17:49

David kɛ e nine wo kotoku ɔ mi, nɛ e je tɛ kake kɛ wo amlami ɔ mi, nɛ e fɔ. Tɛ ɔ ya na Filisti no ɔ hɛ nya, nɛ e sɛ lo ɔ mi; nɛ Goliat nɔ si bum, nɛ e hɛ mi ya bu si.

Kronika I, 12:3

A nya dali ji Ahiezer kɛ Yoash; Shemaa nɛ je Gibea a bimɛ ji mɛ. Ta buli nɛ ɔmɛ ji Yeziel, kɛ Pelet, Azmavet binyumu ɔmɛ Beraka kɛ Yehu nɛ a je Anatot ɔ Ishmaya nɛ je Gibeon ɔ Nyumu nɛ ɔ, ta bulɔ nɛ peeɔ kã wawɛɛ ji lɛ, nɛ e peeɔ nimli “Nyingmi etɛ ɔmɛ” a hɛ mi nyɛɛlɔ. Yeremia, Yahaziel, Yohanan, kɛ Yozabad nɛ a je Gedera a. Eluzai, Yerimot, Bealia, Shemaria, kɛ Shefatia nɛ je Harif ɔ Elkana, Ishia, Azarel, Yoezer, kɛ Yashobeam nɛ a je Kora weku ɔ mi ɔ Yoela, kɛ Zebadia, Yehoram nɛ je Gedor ɔ bimɛ ɔmɛ.

La 78:9

Efraim bi ɔmɛ mia, nɛ a hɛɛ kɛ̃ɛ̃, se benɛ ta hwumi be ɔ su ɔ, a ma fo kɛ je ta a nya.

Kronika I, 8:40

Ulam binyumu ɔmɛ ɔ, ta buli katsɛmɛ ji mɛ, nɛ a nine nya da kɛ kɛ̃ɛ̃ tsɛ̃mi. E bimɛ kɛ e bibimɛ tsuo a hiɛmi ji lafa kɛ nyingmi enuɔ. Mɛ tsuo a je Benyamin wɛtso ɔ mi.