Kronika I, 12:18 - BAIBLO ALOO NGMAMI KLƆUKLƆU Ɔ

¹⁸ Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Kronika I, 12:18 ပူးပေါင်းရင်းမြစ်များ

Samuel II, 15:21

Se Itai he nɔ ke, “I na Yawɛ, nɛ i na nɛnɛ kaa he tsuaa he nɛ o yaa a, i kɛ mo maa ya, gbenɔ mi jio, wami mi jio.”

Samuel II, 17:25

Absalom pee Amasa tatsɛ nɔkɔtɔma ngɛ Yoab nane mi. Amasa nɛ ɔ, Israel no ko nɛ a tsɛɛ lɛ Itra a bi ji lɛ. E nyɛ Abigail, nɛ ji Yoab nyɛ Zeruya nyɛmiyo ɔ, Nahash biyo ji lɛ.

Samuel II, 19:13

David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Matsɛmɛ I, 9:22

Israel bi ɔmɛ nitsɛmɛ lɛɛ Salomo ngɔɛ a ti nɔ ko nɔ ko kɛ pee we nyɔguɛ; mɛɛ a tsu ní kaa e ta buli, tsɔli, asafoatsɛmɛ, ta zugba lɛ nyatsɛmɛ, kɛ okpɔngɔ ta buli.

Matsɛmɛ II, 10:15

Benɛ Yehu je lejɛ ɔ, e kɛ Rekab binyumu Yehonadab ya kpe ngɛ blɔ ɔ nɔ. Yehu nga lɛ, nɛ e bi lɛ ke, “Bɔ nɛ ye tsui mi ngɛ faa ngɛ o he ɔ, ja mo hu o nɔ́ ɔ ngɛ lo?” Yehonadab he nɔ ke, “Ee, ye tsui mi ngɛ faa.” Yehu de lɛ ke, “Ke ja a, lɛɛ moo ta ye dɛ mi.” A ta a sibi a dɛ mi, nɛ Yehu ngɔ lɛ kɛ wo e ta zugba lɛ ɔ mi;

Matsɛmɛ II, 10:5

Lɔ ɔ he ɔ, matsɛ we ɔ nɔ hyɛlɔ ɔ, amlaalo ɔ nɛ ngɛ ma a mi ɔ, ma nimeli ɔmɛ, kɛ matsɛ binyumu ɔmɛ a nɔ hyɛli ɔmɛ tsɔ ya de Yehu ke, “O tsɔli ji wɔ; nɛ nɔ́ tsuaa nɔ́ nɛ o ma de wɔ ke waa pee ɔ, wa maa pee. Wɔɔ lɛɛ wa be nɔ ko nɔ ko matsɛ woe; nɔ́ nɛ sa o hɛ mi ɔ, moo pee.”

Matsɛmɛ II, 9:32

Yehu wo e yi nɔ nɛ e hyɛ saflɛ ɔ nya, nɛ e bi ke, “Mɛnɔ lɛ ngɛ ye se? Mɛnɔ?” Kɛkɛ nɛ manyɛ we ɔ nɔ hyɛli, maa pee enyɔ, loo etɛ hyɛ lɛ kɛ gu saflɛ ɔ mi.

Kronika I, 11:11

Kekleekle nɔ ɔ ji Yashobeam nɛ je Hakmon weku ɔ mi ɔ. Lɛ ji “Ni etɛ ɔmɛ” a nya dalɔ. E kɛ nimli lafa etɛ ya bua si kake, nɛ e kɛ e we akplɔ ɔ gbe mɛ tsuo.

Kronika I, 12:17

David kɛ mɛ ba kpe, nɛ e de mɛ ke, “Ke nyɛ ba ye ngɔ kaa huɛmɛ nɛ ma ye he piɛmi ɔ, i ngɛ nyɛ baba hee hae kɛ je ye tsui mi. Se ke nyɛ ba nɛ nyɛ ba hyɛ ye sihi he, nɛ lɔ ɔ se nyɛ ya tsɔɔ ye se blɔ ngɔ ha ye he nyɛli, be mi nɛ i pee we yayami ko ɔ, lɛɛ wa nɛmɛ ɔmɛ a Mawu ɔ nɛ hyɛ nɛ e wo nyɛ hiɔ.”

Kronika I, 2:17

Abigail gba Yeter nɛ ji Ishmael nina a, nɛ e kɛ lɛ fɔ binyumu nɛ a tsɛɛ lɛ Amasa.

Yesaya 59:17

E maa ye dami sane be tsuaa be; dami sane yemi maa pee kaa tsɛ̃i nɛ ha e he. Yi wami hemi hu maa pee e hiami nɔ́; e maa pee kaa dade pɛɛ nɛ e bu. E kɛ abofu, kɛ hɛdɔ maa gbla he nyɛli ɔmɛ a tue kɛ fa ni nɛmɛ nɛ a ngɛ mɛ amimi yee ɔ a he.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Mateo 12:30

“Nɔ nɛ be ye blɔ fa mi ɔ, e te si ngɔ wo mi, ne nɔ nɛ kɛ mi bua we nɔ́ nya a, e ngɛ gbɛe kɛ ngɛ fĩae.

Galatabi 6:16

Nihi tsuo nɛ maa ba a je mi kaa kikɛ nɛ ɔ, Mawu nɛ na mɛ mɔbɔ, nɛ e ha mɛ he jɔmi. Ee, Mawu nɛ pee enɛ ɔ ha mɛ kɛ lɛ nitsɛ e ma, Israel ɔ tsuo.

Manyadali 13:25

Yawɛ mumi ɔ bɔni e he ní tsumi ngɛ Mahane Dan, ngɛ Zora kɛ Eshtaol a kpɛti.

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Manyadali 6:34

Kɛkɛ nɛ Yawɛ mumi ɔ ba Gideon nɔ, nɛ e kpa titimati kɛ tsɛ Abiezer bi ɔmɛ ke a ba piɛ e he.

Rut Womi 1:16

Se Rut ha lɛ heto ke, “Mo ko nyɛ ye nɔ doo ke ma si mo; ha nɛ waa ho kɛkɛ. He tsuaa he nɛ o yaa a, ma ya; nɛ he tsuaa he nɛ o maa hi ɔ, lejɛ ɔ ma hi. O je kɛ wɛ maa pee imi hu ye je kɛ wɛ, nɛ o Mawu maa pee ye Mawu.

Samuel I, 16:4

Samuel pee kaa bɔ nɛ Yawɛ de lɛ ɔ. E ya Betlehem, nɛ ma nimeli ɔmɛ kɛ lɛ ba kpe kɛ he domi, nɛ a bi ke, “O ba ngɛ tue mi jɔmi mi lo?”

Samuel I, 16:5

E he nɔ ke, “Ee, i ba nɛ ma ba sã bɔ ha Yawɛ. Nyɛɛ tsukɔ nyɛ he nɛ waa ho bɔ sami he ɔ ya.” E tsukɔ Ishai kɛ e binyumu ɔmɛ a he, nɛ e kpee mɛ hu kɛ ya bɔ sami he ɔ.

Samuel I, 22:7

Kɛkɛ nɛ Saul de e tsɔli ɔmɛ ke, “Nyɛ Benyamin bi, nyɛɛ bu tue! Pe nyɛ susu kaa Ishai binyumu ɔ ma ha nyɛ ti nɔ tsuaa nɔ zugba kɛ wai ngmɔ, nɛ e maa pee nyɛ tsuo kulaa asafoatsɛmɛ ngɛ nihi akpehi kɛ lafahi a nya,

Samuel I, 24:12

Yawɛ maa kojo i kɛ mo wa kpɛti, nɛ e maa wo mo hiɔ ngɛ nɔ́ nɛ o ngɛ mi pee nɛ ɔ he; imi lɛɛ ye nine be o he sae.

Samuel I, 24:13

Nimeli bu abɛ ke, ‘Nimli yayamihi a dɛ mi nɛ nɔ́ yayami jeɔ.’ Se imi lɛɛ ye nine be o he sae.

Samuel I, 24:16

Benɛ David tu munyu ta a, Saul bi lɛ ke, “Ye bi David, mo ji nɛ ɔ?” Kɛkɛ nɛ Saul wo ya,

Samuel I, 8:12

E maa to tatsɛmɛ ngɛ ta buli akpehi, kɛ nyingmi enuɔɔnuɔ a nya. Ni komɛ ma hu ngmɔ nɛ a ma kpa ní ha lɛ, nɛ ni komɛ hu maa sɔ̃ ta hwumi níhi, kɛ ta zugba lɛ ɔmɛ a he níhi.