Kronika I, 12:1 - BAIBLO ALOO NGMAMI KLƆUKLƆU Ɔ

¹ Benɛ David na we he jɔmi ngɛ Kish binyumu Saul dɛ mi, nɛ e ho ya laa e he ngɛ Ziklag ɔ, ta buli katsɛmɛ kpanakpanaa babauu ba piɛ e he ngɛ lejɛ ɔ kɛ hwu ta.

Kronika I, 12:1 ပူးပေါင်းရင်းမြစ်များ

Samuel II, 1:1

Benɛ Saul gbo, nɛ David ye Amalek bi ɔmɛ a nɔ kunimi se ɔ, e kpale kɛ ba Ziklag, nɛ e ba ye ligbi enyɔ ngɛ lejɛ ɔ.

Samuel II, 2:3

Jehanɛ hu David ngɔ e we bi ɔmɛ tsuo pɛpɛɛpɛ, kɛ a yihi, kɛ a bimɛ kɛ ho; nɛ a ya hi Hebron ma amɛ a mi.

Samuel II, 4:10

Benɛ nɔ ko ba bɔ mi amaniɛ ngɛ Ziklag ke Saul gbo, nɛ e pee lɛ kaa manye munyu nɛ e hɛɛ kɛ ba a, i nu lɛ nɛ i gbe lɛ. Lɔ ɔ ji sina nɛ e na kɛ je ye dɛ ngɛ munyu ɔ nɛ e kɛ ba a he.

Kronika I, 11:10

David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.

Kronika I, 11:19

nɛ e de ke, “Kpaoo, ye Mawu, kaa ma pee nɔ́ nɛ ɔ! Ke i pee ja a, e ngɛ kaa nɔ́ nɛ i nu nihi nɛ ngɔ a wami ngɔ ke nɛ ɔ a muɔ!” Nɛ e kua nyu ɔ numi. Níhi nɛ katsɛmɛ etɛ ɔmɛ pee ji nɛ ɔmɛ nɛ.

Kronika I, 8:33

Ner bi ji Kish, nɛ Kish bi ji Matsɛ Saul. Saul ngɛ binyumuhi nɛ a tsɛɛ mɛ Yonatan, Malkishua, Abinadab, kɛ Eshbaal.

Kronika I, 9:39

Ner bi ji Kish, nɛ Kish bi ji Matsɛ Saul. Saul ngɛ binyumuhi eywiɛ. A biɛhi ji Yonatan, Malkishua, Abinadab, kɛ Eshbaal.