Kronika I, 11:8 - BAIBLO ALOO NGMAMI KLƆUKLƆU Ɔ

⁸ David po ma a kɛ bɔle si; e to ma a sisi kɛ je he nɛ a tloo zu ngɔ pue ɔ ngɛ kpo ɔ beleku je. Yoab dla ma a he nɛ piɛ ɔ.

Kronika I, 11:8 ပူးပေါင်းရင်းမြစ်များ

Nehemia 4:2

E de ngɛ e nyɛmimɛ, ɔmɛ kɛ Samaria ta buli ɔmɛ a hɛ mi ke, “Mɛni Yuda bi wudɔwudɔ nɛ ɔmɛ ngɛ pee nɛ ɔ? Ma a gbogbo ɔmɛ nɛ a to a yi mi kaa a maa fia ekohu lo? Anɛ a susu kaa bɔ ɔmɛ nɛ a ngɛ sãe ɔ ma ha a maa ngɔ ligbi kake pɛ kɛ gbe ní tsumi ɔ nya lo? Anɛ a ma nyɛ ma ha gli kokoehi nɛ sã pueɔ si nɛ ɔ ma plɛ pee tsu mami tɛhi lo?”

Matsɛmɛ II, 12:20

Matsɛ Yoash tsɔli ɔmɛ so e yi nɔ nɛ a ti nihi enyɔ gbe lɛ ngɛ Milo we ɔ, ngɛ blɔ ɔ nɛ a guu kɛ yaa Sila a nɔ. Shimeat binyumu Yozakar, kɛ Shomer binyumu Yehozabad ji ni nɛmɛ nɛ gbe lɛ ɔ nɛ. A pu Yoash ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Amazia ba ye matsɛ ngɛ e se.

Matsɛmɛ I, 11:27

Bɔ nɛ Yeroboam atuã tsɔmi sane ɔ ba ha ji nɛ ɔ nɛ. Salomo ngɛ Milo mɔ ɔ mae, nɛ e ngɛ e tsɛ David ma a he gbogbo ɔmɛ nɛ hule ɔ fiae ekohu.

Matsɛmɛ I, 9:15

Matsɛ Salomo nyɛ nihi a nɔ kɛ tsu ma ní tsumi kpakpataa, nɛ e kɛ ma Yawɛ we ɔ, matsɛ we ɔ, Milo mɔ ɔ, Yerusalem gbogbo ɔ, Hazor, Megido, kɛ Gezer ma amɛ.

Manyadali 9:20

Se ke pi ja ji sane ɔ, lɛɛ la nɛ je Abimelek mi ya sã Shekem bi ɔmɛ kɛ Bet Milo bi ɔmɛ; jehanɛ, e je Shekem bi ɔmɛ kɛ Bet Milo bi ɔmɛ a mi ya sã Abimelek.”

Manyadali 9:6

Kɛkɛ nɛ Shekem kɛ Bet Milo bi ɔmɛ tsuo bua a he nya, nɛ a ya wo Abimelek matsɛ ngɛ Shekem, ngɛ tso ngua a kasa nya.

Kronika I, 11:7

David ya hi mɔ ngua a mi; lɔ ɔ he ɔ, a wo lejɛ ɔ biɛ ke David ma.

Kronika I, 11:9

David ya nɔ wawɛɛ nitsɛ, ejakaa Yawɛ Tabohiatsɛ ɔ kɛ lɛ ngɛ.