Kronika I, 11:5 - BAIBLO ALOO NGMAMI KLƆUKLƆU Ɔ

⁵ Yebus bi ɔmɛ de David ke e be nyɛe maa ba ma a mi. Se kɛ̃ ɔ, David ya ngɔ Zion mɔ ngua a nɛ ba plɛ pee David ma a.

Kronika I, 11:5 ပူးပေါင်းရင်းမြစ်များ

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

La 132:13

Yawɛ nitsɛ lɛ suɔ nɛ e hla Zion kaa lejɛ ɔ nɛ e maa hi.

La 122:5

Lejɛ ɔ nɛ Israel matsɛmɛ nɛ ji David nina a hi kɛ kojo ma a.

La 87:5

A ma tsɛ Zion ke je ma amɛ tsuo a nyɛ, ejakaa Hiɔwe No ɔ nitsɛ maa to lɛ si.

La 87:2

E suɔ Yerusalem pe hehi tsuo ngɛ Israel.

La 78:68

Mohu ɔ, e hla Yuda wɛtso ɔ, kɛ Zion yo ɔ nɛ e suɔ saminya a.

La 48:2

Zion yo ɔ nɛ ngɛ omleyi je lokoo ɔ, lɔ ɔ ji matsɛ kpetekpleenyɛ ɔ ma. Yo klɔuklɔu ɔ nɛ maa si glouu kɛ e he fɛu ɔ, lɔ ɔ lɛ haa je ɔ tsuo bua jɔmi.

La 9:11

Nyɛ la kɛ je Yawɛ yi; Yawɛ nɛ ngɛ Zion ɔ, nyɛ je e yi. Nyɛɛ sɛɛ níhi nɛ e pee ɔ kɛ ha je ma amɛ tsuo.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Kronika II, 5:2

Enɛ ɔ se ɔ, Matsɛ Salomo ya kpee Israel ma nimeli ɔmɛ, kɛ wɛtsoyi ɔmɛ tsuo kɛ ba e ngɔ ngɛ Yerusalem, konɛ a ya ngɔ Yawɛ somi daka a kɛ je Zion, David ma a mi kɛ ba Yawɛ we ɔ mi.

Kronika I, 11:7

David ya hi mɔ ngua a mi; lɔ ɔ he ɔ, a wo lejɛ ɔ biɛ ke David ma.

Matsɛmɛ I, 8:1

Enɛ ɔ se ɔ, Matsɛ Salomo ya kpee Israel ma nimeli ɔmɛ, kɛ wɛtsoyi ɔmɛ tsuo kɛ ba e ngɔ ngɛ Yerusalem, konɛ a ya ngɔ Yawɛ somi daka a kɛ je Zion, nɛ ji David ma a mi kɛ ba ma Yawɛ we ɔ.

Samuel II, 6:12

Benɛ Matsɛ David nu kaa Mawu daka a he je ɔ, Yawɛ gbaa Obed Edom kɛ e we ɔ, kɛ e nɔ́ tsuaa nɔ́ nɛ e ngɛ ɔ, David ho nɛ e ya ngɔ Mawu daka a ngɛ Obed Edom we ɔ mi, nɛ e kɛ daka a ba Yerusalem kɛ nyami.

Samuel II, 6:10

Enɛ ɔ he je ɔ, David to e yi mi kaa e kɛ Yawɛ daka a be Yerusalem yae hu. Kɛkɛ nɛ e gba kɛ je blɔ ɔ nɔ nɛ e kɛ daka a ho Obed Edom nɛ je Gat ɔ we mi ya.

Samuel II, 5:9

David hi mɔ nguaa a mi, nɛ e wo lejɛ ɔ biɛ ke “David ma.” David po ma kɛ bɔle si; e to ma a sisi kɛ je he nɛ a tloo zu ngɔ pue ɔ, kɛ ba mi blɔ.

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Manyadali 19:10

Se nyumu ɔ kplɛɛ we kaa e maa hwɔ lejɛ ɔ jamɛ a ligbi ɔ. E kɛ e plã a, e tsɔlɔ ɔ, kɛ teji enyɔ ɔmɛ nɛ a wo a nɔ ní ɔ pue nɔ kɛ ya si a ya su Yebus (nɛ ji Yerusalem) hanɔ.

Kronika I, 11:4

Enɛ ɔ se ɔ, Matsɛ David kɛ Israel ma a tsuo ho nɛ a ya tua Yerusalem. Jamɛ a be ɔ mi ɔ, biɛ nɛ a kɛ tsɛɔ ma nɛ ɔ ji Yebus; nɛ Yebus bi nɛ ji zugbatsɛmɛ ɔmɛ ngɛ lejɛ ɔ kɛ mwɔɔ.

Kronika I, 11:6

David de ke, “Nɔ nɛ maa sɛ hlami kɛ gbe Yebus no ko ɔ, jamɛatsɛ ɔ ma ba pee tatsɛ nɔkɔtɔma!” Kɛkɛ nɛ Yoab, nɛ a tsɛɛ e nyɛ ke Zeruya a, ya pee ja; nɛ a wo lɛ tatsɛ nɔkɔtɔma.