Kronika I, 11:3 - BAIBLO ALOO NGMAMI KLƆUKLƆU Ɔ

³ Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

Kronika I, 11:3 ပူးပေါင်းရင်းမြစ်များ

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Samuel II, 2:4

Pee se ɔ, Yuda ma nimeli ɔmɛ ba Hebron ba pɔ David nu nɛ a wo lɛ Yuda matsɛ. Benɛ David nu kaa Yabesh Gilead bi ɔmɛ ya pu Saul ɔ,

Samuel I, 16:3

Moo kpee Ishai kɛ ba bɔ sami ɔ, nɛ ma tsɔɔ mo nɔ́ nɛ o pee. O maa pɔ nɔmlɔ nɛ ma tsɔɔ mo ɔ nu, nɛ o wo lɛ matsɛ ha mi.”

Kronika II, 23:3

Mɛ tsuo a ba bua a he nya ngɛ Yawɛ we ɔ, nɛ a kɛ Yoash, matsɛbi ɔ ba so ngɛ lejɛ ɔ. Yehoyada de mɛ ke, “Matsɛ ɔ binyumu ɔ ji nɛ ɔ nɛ! Amlɔ nɛ ɔ, lɛ ji nɔ nɛ sa nɛ e ye matsɛ kaa bɔ nɛ Yawɛ wo si ke David nina maa pee ɔ.

Matsɛmɛ II, 23:30

E tsɔli ɔmɛ kɛ e gbogboe ɔ wo ta zugba lɛ mi, nɛ a ya pu lɛ ngɛ matsɛmɛ ɔmɛ a yɔkɔ ɔ mi ngɛ Yerusalem. Lɔ ɔ se ɔ, Yuda ma a hla Yosia binyumu Yoahaz, nɛ a pɔ lɛ nu nɛ a wo lɛ matsɛ ngɛ e tsɛ ɔ se.

Matsɛmɛ II, 11:17

Yehoyada ha Matsɛ Yoash, kɛ ma a kɛ Yawɛ so kaa a maa pee Yawɛ ma. Jehanɛ, e ha nɛ matsɛ ɔ kɛ ma a hu so.

Samuel I, 28:17

Nɔ́ nɛ Yawɛ gu ye nɔ de mo ɔ, lɔ ɔ e pee nɛ ɔ nɛ. Yawɛ kpɔ matsɛ yemi ɔ ngɛ o dɛ nɛ e kɛ ha o he nɔ David.

Samuel I, 23:18

Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Samuel I, 11:15

Ma a tsuo ho nɛ a ya wo Saul matsɛ ngɛ Gilgal ngɛ Yawɛ hɛ mi. A sã tue mi jɔmi bɔhi ngɛ Yawɛ hɛ mi ngɛ lejɛ ɔ, nɛ Saul kɛ Israel ma a tsuo nyá babauu.

Manyadali 11:11

Lɔ ɔ he ɔ, Yefta kɛ Gilead ma nimeli ɔmɛ ho, nɛ a wo lɛ tsɛ, kɛ asafoatsɛngua. Nɛ Yefta ma e munyu ɔmɛ tsuo a nɔ mi ngɛ Yawɛ hɛ mi ngɛ Mizpa.

Samuel II, 5:5

E hi Hebron kɛ ye Yuda nɔ matsɛ jeha kpaago kɛ fa; nɛ e hi Yerusalem kɛ ye Israel kɛ Yuda tsuo a nɔ matsɛ jeha nyingmi etɛ kɛ etɛ.

Kronika I, 11:10

David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.