Kronika I, 11:23 - BAIBLO ALOO NGMAMI KLƆUKLƆU Ɔ

²³ Benaya nɛ ɔ nɔuu gbe Egipt no oblai ko. Egipt no ɔ hɛɛ akplɔ nɛ ngɛ kaa bo lolɔ gba tso ngɛ e dɛ mi, se Benaya ho nɛ e ya na lɛ kɛ e dɛma tso kɛkɛ. E kpɔ akplɔ ɔ ngɛ e dɛ, nɛ e ngɔ Egipt no ɔ nitsɛ e we akplɔ ɔ kɛ gbe lɛ.

Kronika I, 11:23 ပူးပေါင်းရင်းမြစ်များ

Samuel I, 17:7

E we akplɔ ɔ nya tso ngɛ kaa bo lolɔ gba tso, nɛ e we akplɔ ɔ yi dade jiimi ji kilo kpaago; nɛ e tsɛ̃i hɛɛlɔ ɔ nyɛɛ e hɛ mi.

Kronika I, 20:5

Israel bi ɔmɛ kɛ Filisti bi ɔmɛ hwu ta ekohu. Ngɛ ta nɛ ɔ mi ɔ, Yair binyumu Elhanan gbe Goliat nɛ je Gat ɔ nyɛminyumu Lami. Lami we akplɔ ɔ nya tso ti kaa bo lolɔ gba tso.

Samuel I, 17:51

David sa fo ya da Goliat nɔ. E hia Goliat klaate ɔ kɛ je kpo ɔ mi, nɛ e kɛ po e yi nɛ e gbe lɛ. Benɛ Filisti bi ɔmɛ na kaa a tatsɛ kpanaa a gbo ɔ, a tu fo.

Samuel I, 17:4

Kɛkɛ nɛ tatsɛ kpanaa ko je Filisti bi ɔmɛ a ta a mi kɛ ba. A tsɛɛ lɛ Goliat; e je Gat, nɛ e kami ji nine mi blimi nyɔngma kɛ etɛ.

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Kronika I, 11:24

Kã peemi níhi nɛ Yehoyada bi Benaya tsu ji nɛ ɔmɛ nɛ. Katsɛmɛ “Nyingmi etɛ ɔmɛ” a ti nɔ kake ji lɛ.