Kronika I, 11:2 - BAIBLO ALOO NGMAMI KLƆUKLƆU Ɔ

² Be ko nɛ be ɔ, benɛ Saul ngɛ tsɛ yee ngɛ wa nɔ ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Kronika I, 11:2 ပူးပေါင်းရင်းမြစ်များ

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Yohane 10:4

Ke e je to ɔmɛ kpo ɔ, lɛ nitsɛ e nyɛɛɔ hɛ mi, nɛ to ɔmɛ nyɛɛɔ e se, ejakaa a le e gbi.

La 78:71

E je lɛ kɛ je to yihi, kɛ a bi tsɔwitsɔwihi a se. E wo lɛ matsɛ ngɛ Israel, konɛ e hyɛ lɛ, Mawu ɔ e ma a nɔ kaa bɔ nɛ to hyɛlɔ tsɔɔ to ɔ.

Samuel II, 7:7

Ngɛ hehi tsuo nɛ i kɛ Israel bi ɔmɛ ya gu ɔ, Israel hɛ mi nyɛɛli nɛ i hia ke a hɛɛ ye ma Israel kaa bɔ nɛ to hyɛlɔ hyɛɛ e tohi ɔ, anɛ i bi a ti nɔ ko hyɛ ke mɛni he je e kɛ seda ma we tsu ha mi lo?’

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Yeremia 3:15

Ma ha nyɛ nɔ yeli nɛ peeɔ ye suɔmi nya ní, nɛ a kɛ nile kɛ nɔ́ sisi numi maa hyɛ nyɛ nɔ.

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Matsɛmɛ I, 14:7

Yaa nɛ o ya de Yeroboam ke bɔ nɛ Yawɛ, Israel Mawu ɔ de ji nɛ ɔ nɛ: ‘Imi lɛ i hla mo kɛ je Israel bi ɔmɛ a kpɛti, nɛ i wo mo ye ma, Israel nɔ matsɛ.

Matsɛmɛ I, 3:9

Lɔ ɔ he ɔ, i kpa mo pɛɛ, ha mi nile nɛ ma kɛ ye o ma a nɔ ngɛ dami sane yemi mi; nɛ ma le slɔɔto nɛ ngɛ nɔ́ nɛ da, kɛ nɔ́ nɛ dɛ a kpɛti. Ke pi ja a, lɛɛ kɛ ma pee kɛ ye o ma kpekpemi nɛ ɔmɛ a nɔ kɛɛ?”

Samuel I, 18:13

Lɔ ɔ he ɔ, Saul je lɛ ngɛ e kasa nya, nɛ e pee lɛ ta buli akpe a nyatsɛ. David nyɛɛɔ ma a hɛ mi kɛ yaa kɛ baa,

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Mose IV, 27:17

nɔ nɛ maa nyɛɛ a hɛ mi, nɛ e ma kpaka mɛ kɛ ya kɛ ba, bɔ nɛ pee nɛ mo Yawɛ, o ma kpekpemi ɔ nɛ ko pee kaa tohi nɛ be hyɛlɔ.”