Kronika I, 11:10 - BAIBLO ALOO NGMAMI KLƆUKLƆU Ɔ

¹⁰ David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.

Kronika I, 11:10 ပူးပေါင်းရင်းမြစ်များ

Samuel II, 3:21

Abner de David ke, “Jehanɛ, i yaa nɛ ma ya bua Israel ma a tsuo nya kɛ ba mo, ye nyɔmtsɛ matsɛ o ngɔ. A maa kplɛɛ nɛ o ye a nɔ matsɛ; kɛkɛ o nine maa su nɔ́ nɛ o ngɛ hlae ɔ nɔ, nɛ o maa ye zugba a tsuo nɔ.” Enɛ ɔ se ɔ, David wo Abner blɔ; nɛ e ho ngɛ he jɔmi mi.

Kronika I, 11:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

Kronika I, 12:21

A ba piɛ David he nɛ e pee mɛ asafoatsɛmɛ ngɛ e tabo ɔmɛ a nya, ejakaa ta buli katsɛmɛ nɛ he biɛ ji mɛ tsuo pɛpɛɛpɛ.

Kronika I, 12:23

Benɛ David ngɛ Hebron ɔ, ta buli nɛ a je blɔ tsɔse mɛ babauu ya piɛ e he ngɛ lejɛ ɔ, konɛ a kpɔ matsɛ yemi ɔ ngɛ Saul dɛ kɛ ha lɛ kaa bɔ nɛ Yawɛ de to ɔ. Bɔ nɛ a hiɛmi ngɛ ha ji nɛ ɔmɛ nɛ. Yuda: ta buli 6,800. A mia saminya, nɛ a hɛɛ tsɛ̃i kɛ akplɔ; Simeon: ta buli 7,100 nɛ a je blɔ tsɔse mɛ; Levi: ta buli 4,600; Yehoyada se nyɛɛli nɛ ji Aaron nina: ta buli 3,700; Niheyo katsɛ ko nɛ a tsɛɛ lɛ Zadok ɔ kɛ e nyɛmimɛ: asafoatsɛmɛ 22; Benyamin (Saul nitsɛ e wɛtso ɔ): ta buli 3,000 (Benyamin bi ɔmɛ a ti nihi babauu ngɛ Saul se kɛ mwɔɔ); Efraim: ta buli katsɛmɛ nɛ he biɛ ngɛ a weku ɔmɛ a mi 20,800; Manase wɛtso fa a: ta buli 18,000 nɛ a je blɔ hla mɛ ke a ya nɛ a ya wo David matsɛ ɔ; Isakar: asafoatsɛmɛ 200 kɛ a we bi ngɛ a sisi, (Kikɛmɛ a asafoatsɛmɛ nɛ ɔmɛ le nɔ́ nɛ sa kaa Israel nɛ a pee, kɛ be tutuutu nɛ sa nɛ a pee); Zebulun: ta buli 50,000 nɛ le ta hwumi saminya, kɛ ta hwumi níhi saisaa a he ní tsumi. A le ta gbami saminya, nɛ a yi mi pee we mɛ enyɔɔnyɔ; Naftali: asafoatsɛmɛ 1,000 kɛ a we bi 37,000 nɛ hɛɛ tsɛ̃i kɛ akplɔ; Dan: ta buli 28,600 nɛ a je blɔ tsɔse mɛ; Asher: ta buli 40,000 nɛ a le ta gbami saminya; Wɛtsohi nɛ je Yordan pa a se, nɛ ji Ruben, Gad, kɛ Manase wɛtso fa a: ta buli 120,000 nɛ le ta hwumi ní slɔɔtohi a he ní tsumi.

Kronika I, 12:38

Ta buli nɛ ɔmɛ tsuo pɛpɛɛpɛ mia, nɛ a pee a nya kake, nɛ a ho Hebron ya, konɛ a ya wo David Israel nɔ matsɛ ngɛ lejɛ ɔ. Israel ma nɛ piɛ ɔ tsuo fi a se.

Kronika I, 12:39

Ta buli nɛ ɔmɛ kɛ David ya hi si ligbi etɛ; a kɛ lɛ ye ní nɛ a nu ní, ejakaa a nyɛmimɛ ɔmɛ dla a se saminya.

Kronika I, 27:1

A dla Israel tabo ɔ kɛ wo asafo kuu nyɔngma kɛ enyɔ mi. Asafo kuu tsuaa asafo kuu mi ɔ, nyumuhi akpe nyingmi enyɔ kɛ eywiɛ ngɛ mi, kɛ a nya asafoatsɛmɛ, kɛ ma ní tsuli nikɔtɔmahi, kɛ a we bi. Daa jeha a, asafo kuu kake kɛ a we asafoatsɛ ya tsuɔ ní nyɔhiɔ kake. Asafo kuu ɔmɛ, kɛ a we asafoatsɛmɛ ɔmɛ ji nɛ ɔmɛ nɛ:

Kronika I, 28:1

Matsɛ David kpee Israel ma ní tsuli nikɔtɔma amɛ tsuo kɛ ba Yerusalem: wɛtsoyi ɔmɛ, asafo kuu ɔmɛ a nyatsɛmɛ ɔmɛ, asafoatsɛmɛ ɔmɛ, kɛ ni nɛmɛ nɛ hyɛɛ matsɛ ɔ, kɛ e bimɛ ɔmɛ a weto ní, kɛ a lohwehi a nɔ. Jehanɛ hu, matsɛ we mi ní tsuli ɔmɛ, ta buli katsɛmɛ ɔmɛ, kɛ tabo ɔ tsuo ba bua a he nya ngɛ Yerusalem.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”