Kronika I, 10:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ Saul de e ta hwumi ní hɛɛlɔ ɔ ke, “Moo hia o klaate ɔ nɛ o kɛ gbe mi, nɛ́ mɔmlɔtɔtsɛmɛ nɛ ɔmɛ ko ba gbe mi nɛ a bɔ mi ahlua.” Se niheyo ɔ ye gbeye, nɛ e sume kaa e maa pee ja. Lɔ ɔ he ɔ, Saul nitsɛ ngɔ e klaate ɔ nɛ e kɛ gbe e he.

Kronika I, 10:4 ပူးပေါင်းရင်းမြစ်များ

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Samuel II, 1:6

Niheyo ɔ he nɔ ke, “I ya je Gilboa yo ɔ nɔ tlukaa, nɛ i na Saul nɛ e buu si ngɛ e we akplɔ ɔ nɔ. E he nyɛli ɔmɛ a ta zugba lɛ ɔmɛ, kɛ a we okpɔngɔ nɔ hili ɔmɛ su e he haa.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Matsɛmɛ I, 16:18

Benɛ Zimri na kaa a ngɔ ma a, e ho ya sɛ mɔ ɔ nɛ ngɛ matsɛ we ɔ mi. E mɛ matsɛ we ɔ he la, nɛ la a sã lɛ nɛ e gbo.

Kronika I, 10:3

Ta a ba na Saul, nɛ e yi fi wawɛɛ nitsɛ. Kɛ̃ɛ̃ tsɛ̃li ɔmɛ a nine su e nɔ, nɛ a plaa lɛ wawɛɛ.

Kronika I, 10:5

Benɛ Saul ta hwumi ní hɛɛlɔ ɔ na kaa Saul gbo ɔ, lɛ hu e kɛ lɛ nitsɛ e klaate ɔ gbe e he.

Ni Tsumi 1:18

(Se Yuda tsu yi wu tso ní; nɛ sika nɛ e na ngɛ mi ɔ, e ngɔ ya he abɔɔ. Lejɛ ɔ nɛ e gbo ngɛ, nɛ e mi ni pã pue si.

Ni Tsumi 16:27

Benɛ pamitsɛmɛ a nɔ hyɛlɔ ɔ hɛli si kɛ je mahe mi ɔ, e na kaa sinya amɛ tsuo a nya fɔɔ si. Lɔ ɔ he ɔ, e hia klaate nɛ jinɛ e maa gbe e he; ejakaa e susu kaa pamitsɛmɛ ɔmɛ tu fo.

Manyadali 15:18

Jehanɛ, kuma ba ye Samson wawɛɛ nitsɛ; nɛ e fa kue ha Yawɛ nɛ e de ke, “O tsu manye ní tsumi nguaa nɛ ɔ kɛ gu o tsɔlɔ ɔ nine nɔ. Anɛ kuma nɛ gbe mi, nɛ mɔmlɔtɔtsɛmɛ nɛ ɔmɛ a nine nɛ su ye nɔ lo?”

Manyadali 16:21

Kɛkɛ nɛ Filisti bi ɔmɛ nu lɛ, nɛ a ta e hɛngmɛ ɔmɛ. Lɔ ɔ se ɔ, a ngɔ lɛ kɛ ho Gaza ya, nɛ a ya bɔ lɛ akɔblee pãhi; nɛ a ha nɛ e wɛɛɔ blɛfo ngɛ he nɛ a wo lɛ tsu ngɛ ɔ.

Manyadali 9:54

Kɛkɛ nɛ e tsɛ niheyo ɔ nɛ hɛɛ e ta hwumi ní ɔmɛ esɔesɔ, nɛ e de lɛ ke, “Moo hia o klaate ɔ nɛ o kɛ gbe mi, nɛ a ko ba de ngɛ ye he ke, ‘Yo kpamakpa nɛ gbe lɛ.’ ” Nɛ niheyo ɔ gbɔ lɛ klaate ɔ nɛ e gbo.

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 31:4

Kɛkɛ nɛ Saul de e ta hwumi ní hɛɛlɔ ɔ ke, “Moo hia o klaate ɔ nɛ o kɛ gbe mi, nɛ́ mɔmlɔtɔtsɛmɛ nɛ ɔmɛ ko ba gbe mi nɛ a bɔ mi ahlua.” Se niheyo ɔ ye gbeye, nɛ e nyɛ we nɛ e pee ja. Lɔ ɔ he ɔ, Saul nitsɛ kɛ̃ e klaate ɔ, nɛ e kɛ gbe e he.