Kronika I, 10:14 - BAIBLO ALOO NGMAMI KLƆUKLƆU Ɔ

¹⁴ se Yawɛ mohu lɛɛ e bi we lɛ ga womi. Enɛ ɔ he je ɔ, Yawɛ gbe lɛ, nɛ e ngɔ e matsɛ yemi ɔ ngɔ ha Ishai bi David.

Kronika I, 10:14 ပူးပေါင်းရင်းမြစ်များ

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Kronika I, 12:23

Benɛ David ngɛ Hebron ɔ, ta buli nɛ a je blɔ tsɔse mɛ babauu ya piɛ e he ngɛ lejɛ ɔ, konɛ a kpɔ matsɛ yemi ɔ ngɛ Saul dɛ kɛ ha lɛ kaa bɔ nɛ Yawɛ de to ɔ. Bɔ nɛ a hiɛmi ngɛ ha ji nɛ ɔmɛ nɛ. Yuda: ta buli 6,800. A mia saminya, nɛ a hɛɛ tsɛ̃i kɛ akplɔ; Simeon: ta buli 7,100 nɛ a je blɔ tsɔse mɛ; Levi: ta buli 4,600; Yehoyada se nyɛɛli nɛ ji Aaron nina: ta buli 3,700; Niheyo katsɛ ko nɛ a tsɛɛ lɛ Zadok ɔ kɛ e nyɛmimɛ: asafoatsɛmɛ 22; Benyamin (Saul nitsɛ e wɛtso ɔ): ta buli 3,000 (Benyamin bi ɔmɛ a ti nihi babauu ngɛ Saul se kɛ mwɔɔ); Efraim: ta buli katsɛmɛ nɛ he biɛ ngɛ a weku ɔmɛ a mi 20,800; Manase wɛtso fa a: ta buli 18,000 nɛ a je blɔ hla mɛ ke a ya nɛ a ya wo David matsɛ ɔ; Isakar: asafoatsɛmɛ 200 kɛ a we bi ngɛ a sisi, (Kikɛmɛ a asafoatsɛmɛ nɛ ɔmɛ le nɔ́ nɛ sa kaa Israel nɛ a pee, kɛ be tutuutu nɛ sa nɛ a pee); Zebulun: ta buli 50,000 nɛ le ta hwumi saminya, kɛ ta hwumi níhi saisaa a he ní tsumi. A le ta gbami saminya, nɛ a yi mi pee we mɛ enyɔɔnyɔ; Naftali: asafoatsɛmɛ 1,000 kɛ a we bi 37,000 nɛ hɛɛ tsɛ̃i kɛ akplɔ; Dan: ta buli 28,600 nɛ a je blɔ tsɔse mɛ; Asher: ta buli 40,000 nɛ a le ta gbami saminya; Wɛtsohi nɛ je Yordan pa a se, nɛ ji Ruben, Gad, kɛ Manase wɛtso fa a: ta buli 120,000 nɛ le ta hwumi ní slɔɔtohi a he ní tsumi.

Samuel I, 28:17

Nɔ́ nɛ Yawɛ gu ye nɔ de mo ɔ, lɔ ɔ e pee nɛ ɔ nɛ. Yawɛ kpɔ matsɛ yemi ɔ ngɛ o dɛ nɛ e kɛ ha o he nɔ David.

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Yesaya 10:7

Se Asiria matsɛ ɔ lɛɛ e to yi mi kpa mohu. E to kaa e ma kpata je mahi babauu a hɛ mi.

Abɛ Womi 17:13

Nɔ nɛ ngɔɔ yayami kɛ toɔ kpakpa nane mi ɔ, yayami be e we mi tae gblegbleegble.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Kronika I, 17:13

Ma pee e tsɛ, nɛ e maa pee ye bi. Ye suɔmi nɛ ngɛ daa a, i be hae nɛ jamɛ a suɔmi ɔ se nɛ po ngɛ e nɔ kaa bɔ nɛ i pee nɔ nɛ nyɛɛ o hɛ mi ɔ.

Yoshua 9:14

Israel bi ɔmɛ bi we Yawɛ ga womi kulaa, kɛkɛ nɛ a he ni ɔmɛ a dɛ mi niye ní ɔ.

Kronika I, 2:12

Obed, kɛ Ishai.

Kronika II, 16:12

Benɛ Asa ye jeha nyingmi etɛ kɛ nɛɛ ngɛ matsɛ sɛ ɔ nɔ ɔ, nane hiɔ nɛ nya wa wawɛɛ ko ba bu lɛ si. Se e kɛ e kɔmɔ ɔ yɛ Yawɛ hɛ mi; tsopa peeli mohu a ngɔ lɛ e ya.