Kronika I, 1:32 - BAIBLO ALOO NGMAMI KLƆUKLƆU Ɔ

³² Abraham ngɛ plã ko nɛ a tsɛɛ lɛ Ketura. E kɛ lɛ fɔ bimɛ nɛ ɔmɛ: Zimran, Yokshan, Medan, Midian, Ishbak, kɛ Shua. Yoshan bimɛ ji Sheba kɛ Dedan.

Kronika I, 1:32 ပူးပေါင်းရင်းမြစ်များ

Mose I, 37:28

nɛ benɛ Midian jua yeli komɛ ba su a ngɔ ɔ, Yosef nyɛmimɛ ɔmɛ je lɛ kɛ je muɔ ɔ mi, nɛ a jua lɛ kɛ ha Ishmael bi ɔmɛ sika hiɔ yi nyingmi enyɔ. Nɛ a kɛ lɛ ho Egipt ya.

Matsɛmɛ I, 10:1

Benɛ Sheba manyɛ nu bɔ nɛ Salomo he biɛ ha a, e hia blɔ kɛ ba Yerusalem, konɛ e ba ka lɛ kɛ sane bimihi nɛ a he wa.

Kronika I, 1:31

Yetur, Nafish, kɛ Kedema.

Kronika I, 1:33

Midian hu bimɛ ji Efa, Efer, Hanok, Abida, kɛ Eldaa.

Hiob 6:19

Blɔ nyɛɛli nɛ je Sheba kɛ Tema ba hlaa nyu nɛ a nu.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

La 72:15

Matsɛ ɔ yi nɛ na wami! Á ngɔ Arabia sika tsu kɛ ba ha lɛ! A kpa Mawu pɛɛ kɛ ha lɛ be tsuaa be, nɛ a bi gbaami ha lɛ daa ligbi!

Yesaya 21:13

Sɛ gbi nɛ kɔɔ Arabia he ji nɛ ɔ nɛ. Nyɛ Dedan blɔ hiali a kuu nɛ nyɛ ba pueɔ si ngɛ Arabia nga kplanaa a nɔ,

Yesaya 60:6

Afukpɔngɔhi babauu ma ba bua a he nya ngɛ o ngɔ; a maa je Midian kɛ Efa. Sheba bi ɔmɛ maa ngɔ sika tsu, kɛ tsopa kɛ e he via kɛ ba, nɛ mɛ tsuo a ma ba je Yawɛ yi ngɛ ní kpakpahi nɛ e pee ha mɛ ɔ he!

Yeremia 49:8

Nyɛ Dedan bi, nyɛ plɛ nɛ nyɛɛ tu fo! Nyɛ ya laa nyɛ he ngɛ muɔhi a mi. Ma kpata Esau nina a hɛ mi, ejakaa be ɔ nɛ ma kɛ gbla a tue ɔ, be ɔ su.

Ezekiel 25:13

Lɔ ɔ he ɔ, i ngɛ dee ke ma gbla Edom tue wawɛɛ; ma kpata nimlihi, kɛ lohwehi tsuo a hɛ mi ngɛ lejɛ ɔ. Nihi babauu maa nɔ ngɛ ta mi kɛ maa je Teman kɛ yaa si Dedan tɔɔ. Nɛ Edom zugba a ma ba pee ma doku.

Ezekiel 27:20

Dedan bi ɔmɛ hu kɛ mo ye jua; a ngɔɔ okpɔngɔ nɔ himi bo kɛ ba tsakee o guɛ ní.

Mose IV, 25:6

Benɛ Mose kɛ Israel ma kpekpemi ɔ bua a he nya, nɛ a wo yana ngɛ kpe he bo tsu ɔ sinya a nya a, Israel bi ɔmɛ a kpɛti nyumu ko ya wo Midian yo ko kɛ ba sɛ e bo tsu mi, ngɛ Mose kɛ ma a tsuo a hɛ mi paa.

Mose IV, 31:2

“Yaa nɛ o ya gbla Midian bi ɔmɛ a tue ngɛ nɔ́ nɛ a pee Israel bi ɔmɛ ɔ he. Lɔ ɔ se ɔ, o ma gbo.”