Kronika I, 1:14 - BAIBLO ALOO NGMAMI KLƆUKLƆU Ɔ

¹⁴ nɛ e nina ji Yebus bi, Amor bi, Girgash bi,

Kronika I, 1:14 ပူးပေါင်းရင်းမြစ်များ

Mose I, 10:16

Kanaan nina ji Yebus bi, Amor bi, Girgash bi,

Mose I, 15:21

Amor bi, Kanaan bi, Girgash bi, kɛ Yebus bi a zugba a i ngɛ tsɔɔe ɔ nɛ.”

Mose I, 48:22

I ngɔ Shekem, zugba nɛ baa ní saminya a kɛ ngɛ mo hae, se pi o nyɛmimɛ ɔmɛ. Klaate kɛ kɛ̃ɛ̃ i kɛ kpɔ zugba nɛ ɔ ngɛ Amor bi ɔmɛ a dɛ.”

Samuel II, 21:2

Lɔ ɔ he ɔ, matsɛ ɔ tsɛ Gibeon bi ɔmɛ nɛ e kɛ mɛ tu munyu. Gibeon bi nɛ ɔmɛ ɔ, pi Israel bi ji mɛ; Amor bi nɛ piɛ ɔ ekomɛ ji mɛ. Jinɛ Israel bi ɔmɛ ka Gibeon bi kita kaa a maa baa a yi; se be mi nɛ Saul hɛ dɔ ngɛ Israel kɛ Yuda he ɔ, e hla kaa e ma kpata a hɛ mi.

Samuel II, 24:16

Benɛ Mawu bɔfo ɔ maa ho Yerusalem hɛ mi kpatami ya a, Yawɛ tsake e yi mi nɛ e to kaa e maa gbla ni ɔmɛ a tue ɔ, nɛ e de bɔfo ɔ nɛ ngɛ ma a hɛ mi kpatae ɔ ke, “E hiɛ. Mo kpa!” Jamɛ a be ɔ, Yawɛ bɔfo ɔ ngɛ Yebus no, Arauna ngma gbeemi he ɔ kasa nya.

Matsɛmɛ II, 21:11

“Yuda matsɛ, Manase tsu musu ní; e pee yayami nɛ nya wa kulaa pe níhi tsuo nɛ Kanaan bi ɔmɛ pee ɔ. Jehanɛ se hu, e ha nɛ Yuda ya ja amaga, nɛ a pee yayami.

Kronika I, 1:13

Kanaan bimɛ ji Sidon (e kekleekle bi ɔ), kɛ Het,

Kronika I, 1:15

Hiv bi, Ark bi, Sin bi,

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

Mose II, 33:2

Ma tsɔ bɔfo ko kɛ nyɛɛ o hɛ mi, nɛ ma fie Kanaan bi, Amor bi, Hit bi, Periz bi, Hiv bi, kɛ Yebus bi ɔmɛ tsuo kɛ je blɔ ɔ nɔ,

Mose II, 34:11

Mlaa nɛ i ngɛ mo woe mwɔnɛ ɔ, moo ye nɔ. Ma fie Amor bi, Kanaan bi, Hit bi, Periz bi, Hiv bi, kɛ Yebus bi ɔmɛ kɛ je blɔ mi ha mo.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Zakaria 9:7

Lo nɛ muɔ ngɛ mi, kɛ ní hiemi ní kpahi ɔ, ma ha nɛ a kpa yemi. Nihi nɛ piɛ ngɛ ma a mi ɔ ma ba pee ye we bi kaa Yuda we puɔ nya amɛ eko. Ma ha Ekron bi ma ba pee ye we bi kaa bɔ nɛ Yebus ba pee ɔ.

Mose V, 20:17

Mo kpata ni ɔmɛ tsuo a hɛ mi pɛsɛpɛsɛ kaa bɔ nɛ Yawɛ, o Mawu ɔ fa mo ke o pee ɔ; mɛ ji Hit bi, Amor bi, Kanaan bi, Periz bi, Hiv bi, kɛ Yebus bi.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Manyadali 1:21

Se Yebus bi nɛ ngɛ Yerusalem ɔ lɛɛ Benyamin bi ɔmɛ fie we mɛ; lɔ ɔ he ɔ, a kɛ Benyamin bi ɔmɛ ngɛ lejɛ ɔ kɛ ba si mwɔnɛ ligbi nɛ ɔ.

Manyadali 19:11

Benɛ a su Yebus ta a, du bu, nɛ tsɔlɔ ɔ de e nyɔmtsɛ ɔ ke, “Ha wa gba Yebus bi ɔmɛ a ma a mi, nɛ wa ya hwɔ lejɛ ɔ.”