Kronika I, 1:13 - BAIBLO ALOO NGMAMI KLƆUKLƆU Ɔ

¹³ Kanaan bimɛ ji Sidon (e kekleekle bi ɔ), kɛ Het,

Kronika I, 1:13 ပူးပေါင်းရင်းမြစ်များ

Mose I, 23:20

Hit bi ɔmɛ ngɔ zugba a kɛ e mi tɛ puɔ ɔ kɛ ha Abraham kaa e weto ní, nɛ e kɛ pee gɔ.

Mose I, 23:3

Lɔ ɔ se ɔ, e je gbogboe ɔ he, nɛ e ya de Hit bi ɔmɛ ke,

Mose I, 23:5

Hit bi ɔmɛ he nɔ ke,

Mose I, 27:46

Rebeka de Isak ke, “Jehanɛ lɛɛ ma se yiwi nɛ ɔmɛ nɛ Esau ya ngɔ ɔ, a sane ba gbe ye nya. Ke e maa ba mi kaa Yakob hu ma ya ngɔ Hit yihewi nɛ ɔmɛ a ti nɔ ko ɔ, lɛɛ afani nɛ ma gbo mohu.”

Mose I, 9:22

Benɛ Ham, Kanaan tsɛ ɔ, na e tsɛ Noa nɛ hwɔɔ si kɛ e he gu ɔ, e je kpo nɛ e ya sɛɛ ha e wetsɛmɛ enyɔ ɔmɛ.

Samuel II, 11:6

Kɛkɛ nɛ David tsɔ nɛ a kɛ sɛ gbi ya ha Yoab ke, “Ha nɛ Uria, Hit no ɔ nɛ ba.” Nɛ Yoab wo Uria blɔ kɛ ba David ngɔ.

Kronika I, 1:12

Patrus bi, Kaslu bi, kɛ Kret bi (ni nɛmɛ a mi nɛ Filisti bi ɔmɛ je ɔ).

Kronika I, 1:14

nɛ e nina ji Yebus bi, Amor bi, Girgash bi,

Mose II, 23:28

Ma ha nɛ adodongmatsihi maa nyɛɛ o hɛ mi, nɛ a maa fie Hiv bi, Kanaan bi, kɛ Hit bi ɔmɛ kɛ je o blɔ ɔ nɔ.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.