Kpojemi 9:5 - BAIBLO ALOO NGMAMI KLƆUKLƆU Ɔ

⁵ A ngmɛ́ baalɛ ɔmɛ blɔ kaa a gbe nimli nɛ ɔmɛ, se mohu kaa a pii mɛ nyɔhiɔ enuɔ sɔuu. A maa nu piimi nɛ a pii mɛ ɔ he wawɛɛ kaa bɔ nɛ ke nyingmogblakoto tsɛ̃ nɔ nɛ e yee nɔ ɔ.

Somi He Ɔ

⁵ Nɛ a tsi a nya kaa a ko gbe nimli ɔmɛ, se mohu a pii mɛ hlami enuɔ. Nɛ a nya yeyee ɔ ngɛ kaa nyingmogblakoto nɛ tsɛ̃ɔ nɔ nya yemi.

Kpojemi 9:5 ပူးပေါင်းရင်းမြစ်များ

Kronika II, 10:11

Tsaatsɛ ngɔ tlomi nɛ jiɔ ngɔ tloo nyɛ; imi lɛɛ i kɛ tlomi ɔ eko ma pa piɛ he ha nyɛ. Tsaatsɛ ngɔ kpa gu kɛ fia nyɛ; imi lɛɛ i kɛ okpɔngɔ kpa maa fia nyɛ!’ ”

Kronika II, 10:14

kaa bɔ nɛ nihewi ɔmɛ wo lɛ ga ke e pee ɔ. E de mɛ ke, “Tsaatsɛ ngɔ tlomi nɛ jiɔ ngɔ tloo nyɛ, se imi lɛɛ i kɛ tlomi ɔ eko ma pa piɛ he ha nyɛ. Tsaatsɛ kɛ kpa gu fia nyɛ, se imi lɛɛ i kɛ okpɔngɔ kpa maa fia nyɛ!”

Hiob 2:6

Yawɛ de Satan ke, “Saminya! E ngɛ o dɛ mi; e hɛ mi kɛkɛ nɛ o ko kpata.”

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Daniel 7:6

Benɛ i ngɛ nɔ́ nɛ ɔ hyɛe ɔ, lohwe kpa ko hu ba hia si. Lohwe nɛ ɔ lɛɛ e ngɛ kaa ngatsɛ, se pɛli eywiɛ ngɛ e se mi kaa lohwe pɛlitsɛ. E ngɛ yi eywiɛ, nɛ ke o hyɛ lɛ ɔ, e ngɛ kaa nɔ ko nɛ hɛɛ blɔ nya nguaa ko.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Kpojemi 11:7

Ke a gbe odase yemi ɔ nya a, lohwe awi yelɔ ɔ nɛ jeɔ muɔ voo ɔ mi ɔ kɛ mɛ ma ba hwu ta. E maa ye a nɔ, nɛ e maa gbe mɛ,

Kpojemi 13:5

A ngmɛ lohwe ɔ blɔ nɛ e tu munyu nguahi, kɛ musu bɔmi munyuhi putɛputɛɛ kɛ si Mawu, nɛ a ha lɛ blɔ hulɔ nɛ e kɛ je e he wami kpo nyɔhiɔ nyingmi eywiɛ kɛ enyɔ.

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.

Kpojemi 9:10

A ngɛ hlemi kɛ e nya duɔ kaa nyingmogblakoto hlemi. Nɛ hlemi nɛ ɔmɛ a mi lɛ he wami nɛ a kɛ ma pii nimli nyɔhiɔ enuɔ ɔ ngɛ.

Kpojemi 9:3

Baalɛhi je la su ku ɔ mi pue zugba, nɛ Mawu ha mɛ he wami kaa nyingmogblakotohi pɛ.