Kpojemi 9:21 - BAIBLO ALOO NGMAMI KLƆUKLƆU Ɔ

²¹ Jehanɛ hu, a tsakee we a tsui, konɛ a jɔɔ muɔ si puemi, loo nyuami, loo nyumu kɛ yo yakayaka fiɛmi, loo jumi.

Somi He Ɔ

²¹ Jehanɛ hu, a tsake we a tsui kɛ ji a awi yemi kɛ a nyuami kɛ ajuama bɔmi kɛ a jumi ɔmɛ a mi.

Kpojemi 9:21 ပူးပေါင်းရင်းမြစ်များ

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 17:5

A ngma biɛ ko nɛ ji laami sane ngɛ e hɛ nya ke, “Babilon kpetekpleenyɛ, ajuamahi a nyɛ, kɛ níhi nɛ a hiee tsuo a je he.”

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 18:3

Ejakaa Babilon yakayaka ní peemi ɔmɛ ha nɛ je ɔ tsuo puɛ; ee, e ngɛ kaa nɔ́ nɛ wai nɛ nya wa nɛ e ha mɛ nɛ a nu. Je nɛ ɔ mi matsɛmɛ ɔmɛ tsuo kɛ lɛ bɔ ajuama, nɛ jua yeli tsuo gu e ní babauu ɔ nɔ nɛ a pee niatsɛmɛ.”

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Yesaya 57:3

Se, nyɛ yayami peeli nɛ nyɛɛ kɛ ní peeli, kɛ gba puɛli, kɛ yi yaholi tsuo sɔ ɔ, nyɛɛ ba hiɛ ɔ!

Yesaya 47:12

Kunya nɛ o ye, kɛ kablɛ nɛ o fi kɛ je o jokuɛwi a si ɔ, pɛtɛ he. Eko piɔ, a ma ha nɛ nihi a mi maa hi ha mo, nɛ o he nyɛli maa ye mo gbeye.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 13:15

Mawu ha lohwe awi yelɔ enyɔne ɔ blɔ kaa e mu mumi kɛ wo amaga a mi, konɛ amaga a nɛ na wami, nɛ e tu munyu. Kɛkɛ ɔ, e ma ha nɛ a gbe nihi tsuo nɛ ja we lɛ ɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Daniel 11:33

Ní leli nɛ ngɛ ma hɛ mi nyɛɛli ɔmɛ a kpɛti ɔ maa tsɔɔ ma mi bi ɔmɛ babauu ní. Se pee se ɔ, a maa gbe a ti ni komɛ ngɛ ta nga nɔ, nɛ a maa sã ni komɛ. A maa ha ní ngɛ ni komɛ hu a dɛ, nɛ a maa nuu mɛ nyɔguɛ.

Kpojemi 13:13

Lohwe awi yelɔ enyɔne ɔ peeɔ nyakpɛ ní nguahi; e haa nɛ la po jeɔ hiɔwe kɛ baa zugba nɛ nɔ tsuaa nɔ naa.

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.