Kpojemi 9:20 - BAIBLO ALOO NGMAMI KLƆUKLƆU Ɔ

²⁰ Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Somi He Ɔ

²⁰ Nɛ nimli nɛ piɛ nɛ a gbi mɛ ngɛ kikɛmɛ a haomi nɛ ɔmɛ a mi ɔ, a tsakee we a tsui kɛ ji a nine nya ni tsumi ɔmɛ a he, konɛ a jɔɔ mumi yayamihi kɛ sika tsu kɛ sika hiɔ kɛ ayawa kɛ tɛ kɛ tso amagahi nɛ hyɛ we nɔ́ nɛ a nui nɔ́ nɛ a nyɛ we nɛ a nyɛɛ ɔ jami.

Kpojemi 9:20 ပူးပေါင်းရင်းမြစ်များ

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Kpojemi 9:21

Jehanɛ hu, a tsakee we a tsui, konɛ a jɔɔ muɔ si puemi, loo nyuami, loo nyumu kɛ yo yakayaka fiɛmi, loo jumi.

1 Timoteo 4:1

Mawu mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua Kristo, nɔ nɛ a he ye ɔ, nɛ a ma ya nyɛɛ mumi yayamihi mohu a se; a maa bu lakpa munyuhi, kɛ tsɔɔmi yayamihi tue.

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Ni Tsumi 7:41

Kɛkɛ nɛ a pee na bi, nɛ a sã bɔ ngɔ ha amaga nɛ ɔ; nɛ mɛ nitsɛmɛ a nine nya ní tsumi ɔ, a na he bua jɔmi babauu.

Yeremia 1:16

Ma gbla ye ma a tue, ejakaa a pee yayami: a kua mi, a sã bɔ kɛ ha mawu kpahi, nɛ a ja mɛ nitsɛmɛ a nine nya níhi nɛ a pee.

2 Korintobi 12:21

I ngɛ gbeye yee kaa ke i ba ekohu ɔ, ye Mawu ɔ maa ba mi si ngɛ nyɛ hɛ mi. Nihi nɛ pee yayami sa a, nɛ a tsakee we a tsui, nɛ a ngɛ yayami ɔ pee kɛ mwɔɔ ɔ, ma fo ya ngɛ a he. Mɛ ji mu ní tsuli, ajuama bɔli, kɛ zo ní tsuli.

Yeremia 51:17

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ, ejakaa amagahi nɛ a puɛɛ ɔ, ní guhi ji mɛ; wami ko wami ko be a mi.

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Mateo 21:32

Ejakaa Yohane ba nyɛ ngɔ, nɛ e ba tsɔɔ nyɛ blɔ kpakpa nɛ nyɛɛ nyɛɛ nɔ, nɛ nyɛ he we lɛ yi; se tó tsuli ɔmɛ, kɛ ajuama amɛ he lɛ ye. Pee se benɛ nyɛ ná le ɔ hu, nyɛ pia we nyɛ he tete, konɛ nyɛ he lɛ nyɛɛ ye.”

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Yeremia 25:6

A de nyɛ ekohu ke nyɛ ko ya nyɛɛ mawu kpahi a se; nyɛ ko sɔmɔ mɛ, nɛ nyɛ ko ja mɛ. Jehanɛ se hu, nyɛ ko puɛ amagahi nɛ nyɛ kɛ ba wo Yawɛ mi mi la. E ji nyɛ bu Yawɛ tue jinɛ lɛ hu e ko gbla we nyɛ tue.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

La 106:37

A kɛ a binyumuhi, kɛ a biyihi sã bɔ ha wɔhi.

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.

Kpojemi 16:8

Jehanɛ ɔ, bɔfo eywiɛne ɔ plɛ e kplu ɔ mi nɔ́ ɔ ngɔ pue pu nɔ. Enɛ ɔ ha nɛ pu ɔ dɔ la wawɛɛ, nɛ e sãã nimli adesahi.

Yesaya 41:7

Tso galɔ deɔ sika tsu galɔ ke, ‘O bɔ mɔde, e hi!’ Nɔ nɛ kɛ hamle ngɛ amaga a he dlae ɔ hu woɔ nɔ nɛ ngɛ ní tsue ngɛ sɔ̃ tɛ nɔ ɔ he wami jã kɛ̃; e deɔ nɔ́ sɔ̃lɔ ɔ ke, ‘Bɔ nɛ o sɔu ɔ hi.’ Kɛkɛ ɔ, a ngɔɔ plɛɛko bihi kɛ kaa, konɛ e ko kpɔ.

Yesaya 2:8

Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Mose III, 17:7

Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Mose V, 4:28

Nyɛ ma ya sɔmɔ mawuhi nɛ a kɛ nɔmlɔ adesa nine pee ngɛ lejɛ ɔ, mawuhi nɛ a kɛ tso pee, mawuhi nɛ a kɛ tɛ pee, mawuhi nɛ hyɛ we nɔ́, nɛ a nui nɔ́, kɛ mawuhi nɛ a yi ní, nɛ a nui nɔ́ he fu.

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Mika 5:13

Ma ywia nyɛ amaga amɛ, nɛ ma hule nyɛ wɔ piɛ ɔmɛ; nyɛ be níhi nɛ nyɛ nitsɛmɛ nyɛ pee kɛ nyɛ nine sɔmɔe hu.

Kpojemi 9:19

Ejakaa he wami nɛ okpɔngɔ ɔmɛ kɛ tsuɔ ní ɔ, a nya mi, kɛ a hlemi nya e ngɛ. Okpɔngɔ ɔmɛ a hlemi ngɛ kaa sinɔ nɛ yi ngɛ he, nɛ lɔ ɔ a kɛ yeɔ awi.

Kpojemi 15:1

Jehanɛ ɔ, i na okadi kpa ngɛ hiɔwe; okadi nɛ ɔ kle nɛ e ngɛ nyakpɛ. I na bɔfohi kpaago nɛ a ní tsumi ji kaa a ngɔ nyagbe haomi kpaago ɔmɛ kɛ ba je ɔ mi. Haomi kpaago nɛ ɔmɛ daa si ha nyagbe tue gblami nɛ Mawu maa ngɔ kɛ ba.