Kpojemi 8:7 - BAIBLO ALOO NGMAMI KLƆUKLƆU Ɔ

⁷ Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

Somi He Ɔ

⁷ Kekleekle hiɔwe bɔfo ɔ kpa, nɛ gbiɛ ngo ngu loo hiɔmi tɛ kɛ la nɛ muɔ futu mi ba nɛ e ba pue zugba a nɔ, nɛ zugba a mi dlami etɛ mi kake sã, nɛ ba mumuhi tsuo sã.

Kpojemi 8:7 ပူးပေါင်းရင်းမြစ်များ

Kpojemi 9:4

A de mɛ ke a ko ta nga, loo ba mumu, loo tso ko tso ko he; nimli adesahi nɛ Mawu nɔ́ nya sɔumi nɔ́ ɔ he okadi be a hɛ nya a, á ye mɛ pɛ awi.

Ezekiel 38:22

Ma ngɔ gbenɔ hiɔ, kɛ muɔ si puemi kɛ gbla Gog tue. Ma ha hiɔmi nɛ nya wa, kɛ gbiɛ ngo ngu maa nɛ wawɛɛ, nɛ la nɛ ngɛ tsoe gegeege maa je hiɔwe ma ba kpata e kɛ e ta a, kɛ je ma amɛ nɛ piɛ e he ɔ tsuo a hɛ mi.

Kpojemi 9:18

Nɔ́ etɛ nɛ ɔmɛ nɛ ngɛ okpɔngɔ ɔmɛ a nya mi jee ɔ gbe adesahi tsuo a mi dlami etɛ mi kake.

Kpojemi 9:15

Bɔfo ekpane ɔ ya pɛne bɔfo eywiɛ ɔmɛ. Blɔɔ a ngɔ mɛ ngɔ to nɛ a pee mɛ klaalo, konɛ jeha nɛ ɔ tutuutu we nyɔhiɔ nɛ ɔ we ligbi nɛ ɔ tutuutu we ngmlɛfia nɛ ɔ mi ɔ a gbe adesahi tsuo a mi dlami etɛ mi kake.

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

La 105:32

E ha nɛ gbiɛ ngo ngu nɛ ngɛ hiɔmi nane mi, nɛ oslabai gba ngɛ zugba a nɔ tsuo.

Kpojemi 16:21

Gbiɛ ngo ngu lokpolokpohi nɛ eko tsuaa eko jiimi ji kilo nyingmi enuɔ je hiɔwe ba nɔɔ nimlihi a nɔ. Nimli adesahi tu musu bɔmi munyu kɛ si Mawu ngɛ gbiɛ ngo ngu nɛ e kɛ hao mɛ ɔ he, ejakaa nɔ́ ɔ nya wa tsɔ.

Yesaya 32:19

(Se gbiɛ ngo ngu maa nɛ pue a ngmɔ ɔmɛ a mi, nɛ a ma a hɛ mi ma kpata.)

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Kpojemi 16:2

Kekleekle bɔfo ɔ ho nɛ e ya plɛ e kplu ɔ mi nɔ́ ɔ ngɔ pue zugba. Kɛkɛ nɛ nihi nɛ lohwe awi yelɔ ɔ we okadi ɔ ngɛ a he, kɛ ni nɛmɛ nɛ jaa amaga a tsuo hia pa yaya nɛ yee nɔ.

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

Yoel 2:30

“Ma ha a maa na jamɛ a ligbi ɔ he okadi nɛ ɔmɛ ngɛ hiɔwe, kɛ zugba a nɔ: muɔ, kɛ la, kɛ la su ku kpii.

Mose II, 9:33

Jehanɛ ɔ, Mose si Farao ɔ, nɛ e je ma a mi, nɛ e wo e nine nɔ, nɛ e fa kue ha Yawɛ. Kɛkɛ nɛ hiɔwe simi ɔ, kɛ gbiɛ ngo ngu nɛmi ɔ se po, nɛ hiɔmi ɔ hu kpa.

Kpojemi 7:1

Enɛ ɔ se ɔ, i na Mawu bɔfohi eywiɛ nɛ a daa si ngɛ je ɔ kɔ nya eywiɛ ɔmɛ. A tsi kɔɔhiɔ eywiɛ ɔmɛ a nya, konɛ kɔɔhiɔ ko fia ngɛ zugba a nɔ, loo wo nɔ, loo kɛ muɔ tso ko.