Kpojemi 8:1 - BAIBLO ALOO NGMAMI KLƆUKLƆU Ɔ

¹ Benɛ bɔfo ɔ tsɔ nɔ́ nya sɔumi nɔ́ kpaagone ɔ, hiɔwe jɔ dii maa pee ngmlɛfia fa.

Somi He Ɔ

¹ Benɛ Tobi ɔ tsɔ nya sɔumi nɔ́ nɛ ji kpaago ɔ, a pee dii ngɛ hiɔwe maa pee ngmlɛfia fa.

Kpojemi 8:1 ပူးပေါင်းရင်းမြစ်များ

Hiob 4:16

I na kaa nɔ́ ko daa si ngɛ lejɛ ɔ; i hyɛ, se i li nɔ́ nɛ ji. Lejɛ ɔ pee dii; kɛkɛ nɛ i nu nɛ gbi ko pɛ ke,

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

La 62:1

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

Habakuk 2:20

Yawɛ ngɛ e we klɔuklɔu ɔ; nɔ tsuaa nɔ nɛ ngɛ je ɔ mi ɔ, e pee dii ngɛ e hɛ mi.

Zakaria 2:13

Nyɛ tsuo nyɛɛ pee dii ngɛ Yawɛ hɛ mi; ejakaa e je e hi he klɔuklɔu ɔ kɛ ma.

Mateo 27:66

Lɔ ɔ he ɔ, a pue nɔ kɛ ho nɛ a ya sɔu yɔkɔ ɔ nya. Nɛ a ha ta buli ɔmɛ bu he.

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Kpojemi 6:1

Jehanɛ i na nɛ To bi ɔ tsɔ nya sɔumi nɔ́ kpaago ɔmɛ a kpɛti kekleekle nɔ́ ɔ. I nu nɛ hɛ kali eywiɛ ɔmɛ a ti nɔ kake wo gbi kaa nɔ́ nɛ hiɔwe lɛ ngɛ sie, nɛ e de ke, “Ba!”

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Kpojemi 6:3

Benɛ To bi ɔ tsɔ nya sɔumi nɔ́ enyɔne ɔ, i nu nɛ hɛ kalɔ enyɔne ɔ de ke, “Ba.”

Kpojemi 6:5

Jehanɛ ɔ, To bi ɔ tsɔ nya sɔumi nɔ́ etɛne ɔ, nɛ i nu nɛ hɛ kalɔ etɛne ɔ de ke, “Ba!” Nɛ́ i ke i hyɛɛ ɔ, okpɔngɔ yumu ko ji nɛ ɔ, nɛ nɔ nɛ hii si ngɛ nɔ ɔ hɛɛ sɛni ngɛ e dɛ mi.

Kpojemi 6:7

Benɛ To bi ɔ tsɔ nya sɔumi nɔ́ eywiɛne ɔ nya a, i nu nɛ hɛ kalɔ nɛ ji eywiɛ ɔ de ke, “Ba!” Nɛ benɛ i ke i hyɛɛ ɔ, okpɔngɔ lazulazu ko ji nɛ ɔ nɛ. Nɔ nɛ hii si ngɛ okpɔngɔ ɔ nɔ ɔ biɛ ji Gbenɔ, nɛ Gbeje nyɛɛ e se haa. Mawu ha mɛ he wami ngɛ je ɔ mi dlami eywiɛ mi kake nɔ, konɛ a ngɔ ta, hwɔ, gbenɔ hiɔ, kɛ lohwe awi yeli kɛ kpata je ɔ hɛ mi.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.