Kpojemi 7:4 - BAIBLO ALOO NGMAMI KLƆUKLƆU Ɔ

⁴ Nɛ a de mi ke nihi nɛ a ngɔ Mawu nɔ́ nya sɔumi nɔ́ ɔ kɛ kadi a hɛ nya a, a yibɔ ji 144,000. A je Israel wɛtso nyɔngma kɛ enyɔ ɔmɛ a mi;

Somi He Ɔ

⁴ Nɛ a demi nihi nɛ a kɛ nya sɔumi nɔ́ ɔ kadi mɛ ɔ a yibɔ; nimli akpe lafa nyingmi eywiɛ kɛ eywiɛ nɛ a kɛ nya sɔumi nɔ́ ɔ kadi mɛ kɛ je Israelbi ɔmɛ a wetso tsuaa wetso mi.

Kpojemi 7:4 ပူးပေါင်းရင်းမြစ်များ

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Kpojemi 14:3

Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

Kpojemi 9:16

A tsɔɔ mi okpɔngɔ ta buli ɔmɛ a yibɔ; a hiɛmi ji ayɔ lafa enyɔ.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Zakaria 9:1

Yawɛ sɛ gbi ji nɛ ɔ nɛ. Yawɛ ke a maa gbla Hadrak zugba a, kɛ Damasko ma a a tue, ejakaa tsa pi Israel wɛtso ɔmɛ pɛ ji Yawɛ níhi; mohu ɔ, Syria matsɛ ma a hu e nɔ́.

Ezekiel 48:19

Nɔ tsuaa nɔ nɛ je Israel wɛtso ko mi ɔ ma nyɛ maa pee ngmɔ ngɛ lejɛ ɔ.

Ezekiel 47:13

Nyɔmtsɛ Yawɛ ke, “Nyɛɛ wo huzu nɛ ɔmɛ ha Israel wɛtso nyɔngma kɛ enyɔ ɔmɛ. Ke nyɛ maa dla zugba a mi kɛ ha mɛ ɔ, Yosef ma na ngwɔhe enyɔ.

Mose I, 15:5

Kɛkɛ nɛ Yawɛ ngɔ Abram kɛ je kpo nɛ e de lɛ ke, “Hyɛ hiɔwe nɛ o ka kaa o ma nyɛ maa kane dodoe ɔmɛ lo; bɔ nɛ dodoe ɔmɛ hiɛ babauu ɔ, ja o nina hu maa hiɛ.”

Mose II, 28:21

Tɛ ɔmɛ tsuo nɛ a pee nyɔngma kɛ enyɔ; nɛ Yakob binyumu ɔmɛ a biɛhi nɛ hi a nɔ kakaaka. Wɛtso nyɔngma kɛ enyɔ ɔmɛ ɔ, a kpɛ́ eko tsuaa eko biɛ ngɛ tɛ kake nɔ kaa bɔ nɛ a ngmaa ní ngɛ nguɛ ga nɔ ɔ.

Kpojemi 7:5

nihi akpe nyɔngma kɛ enyɔ je wɛtso tsuaa wɛtso mi. Wɛtso ɔmɛ ji Yuda, Reuben, Gad, Asher, Naftali, Manase, Simeon, Levi, Isakar, Zebulun, Yosef, kɛ Benyamin.

Luka 14:22

E kɛ we nɛ tsɔlɔ ɔ kpale ba de lɛ ke, ‘Nyɔmtsɛ, nɔ́ nɛ o de mi ke ma pee ɔ, i ya pee; se loloolo ɔ, blɔ ngɛ.’