Kpojemi 7:3 - BAIBLO ALOO NGMAMI KLƆUKLƆU Ɔ

³ “Nyɛ ko kpata zugba a, loo wo ɔ, loo tso ɔmɛ a hɛ mi. Nyɛɛ mlɛ kɛ yaa si wa maa ngɔ nɔ́ nya sɔumi nɔ́ kɛ kadi wa Mawu ɔ tsɔli ɔmɛ a hɛ nya lolo.”

Somi He Ɔ

³ ke: “Nyɛ ko pee zugba a loo wo ɔ loo tso ɔmɛ yayami ko kɛ maa su be nɛ waa kɛ nya sɔumi nɔ ma kadi wa Mawu ɔ sɔmɔli ɔmɛ a hɛ nya lolo.”

Kpojemi 7:3 ပူးပေါင်းရင်းမြစ်များ

Kpojemi 22:4

A maa na e hɛ mi, nɛ a maa ngma e biɛ ngɛ a hɛ nya.

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Kpojemi 9:4

A de mɛ ke a ko ta nga, loo ba mumu, loo tso ko tso ko he; nimli adesahi nɛ Mawu nɔ́ nya sɔumi nɔ́ ɔ he okadi be a hɛ nya a, á ye mɛ pɛ awi.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Kpojemi 13:16

Jehanɛ se hu, lohwe awi yelɔ enyɔne ɔ nyɛ ni ɔmɛ tsuo a nɔ, nimli wawihi kɛ nimli nguahi, niatsɛmɛ kɛ ohiatsɛmɛ, odehehi kɛ nyɔguɛhi tsuo; nɛ a kadi a hiɔ nine, loo a hɛ nya.

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 6:6

I nu nɛ nɔ́ ko pɛ kaa adesa gbi kɛ je hɛ kali eywiɛ ɔmɛ a kpɛti. Gbi ɔ de ke, “Ngma susumi nɔ́ kake ligbi kake hiɔwo, blɛfo susumi nɔ́ etɛ ligbi kake hiɔwo; se nu tso ɔmɛ, kɛ wai ngmɔ ɔmɛ lɛɛ ko kpata a hɛ mi.”

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Mose II, 12:23

ejakaa Yawɛ ma ba gu ma a mi kɛ be nɛ e ya gbe Egipt bi ɔmɛ. Se ke e na muɔ ɔ ngɛ sinya tso ɔmɛ a he ɔ, e maa tsɔ sinya a he kɛ be, nɛ e be hae nɛ gbenɔ bɔfo ɔ nɛ ji nɔ hɛ mi kpatalɔ ɔ maa sɛ nyɛ we ɔmɛ a mi nɛ e ba gbe nyɛ.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Zefania 2:3

Nyɛ nihi tsuo nɛ nyɛ ngɛ je ɔ mi, nɛ nyɛ baa nyɛ he si, nɛ nyɛ yeɔ Yawɛ mlaa amɛ a nɔ, nyɛ hla e se blɔ. Nyɛɛ pee nɔ́ nɛ da, nɛ nyɛɛ ba nyɛ he si; alini, ligbi ɔ nɛ Yawɛ mi mi ma fu wawɛɛ, nɛ e maa gbla nihi a tue ɔ, nyɛɛ lɛɛ a maa laa nyɛ nɔ.

Yesaya 65:8

Yawɛ ke, “Nɔ ko kpataa we e wai yiblii kpakpa hɛ mi; dã mohu e kɛ peeɔ. Jã kɛ̃ i be ye ma a hɛ mi kpatae pɛsɛpɛsɛ. Ni nɛmɛ nɛ sɔmɔɔ mi ɔ, ma he a yi wami.

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

Daniel 3:26

Kɛkɛ nɛ Nebukadnezar hɛ lɛ kɛ ya flɔɔnɔɔ kɛ e mi la nɛ ngɛ tsoe gegeege ɔ sinya a nya, nɛ e de ke, “Shadrak, Meshak, kɛ Abednego, Mawu nɛ ngɛ hiɔwe lokoo ɔ tsɔli! Nyɛɛ je la a mi esɔ, nɛ nyɛɛ ba hiɛ ɔ!” Kɛkɛ nɛ Shadrak, Meshak kɛ Abednego je la a mi amlɔ kɛ ba.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Ezekiel 9:6

Nyɛɛ gbe ni ɔmɛ tsuo: nikɔtɔmahi, nihewi, yihewi, jokuɛwi, bimwɔwi kɛ a nyɛmɛ. Se nɔ tsuaa nɔ nɛ okadi ɔ ngɛ e hɛ nya a lɛɛ nyɛ ko ta e he. Nyɛɛ je sisi kɛ je ye he klɔuklɔu ɔ.” Kɛkɛ nɛ a bɔni ni ɔmɛ gbemi kɛ je ma nimeli ɔmɛ nɛ daa si ngɛ Yawɛ we ɔ hɛ mi ɔ a nɔ.

Yohane 3:33

Nɔ tsuaa nɔ nɛ heɔ e munyu ɔ yeɔ ɔ, yeɔ odase kaa Mawu tuɔ anɔkuale.

Kpojemi 7:1

Enɛ ɔ se ɔ, i na Mawu bɔfohi eywiɛ nɛ a daa si ngɛ je ɔ kɔ nya eywiɛ ɔmɛ. A tsi kɔɔhiɔ eywiɛ ɔmɛ a nya, konɛ kɔɔhiɔ ko fia ngɛ zugba a nɔ, loo wo nɔ, loo kɛ muɔ tso ko.

Kpojemi 7:2

I na bɔfo kpa ko hu nɛ ngɛ kuɔe kɛ je pu site he kɛ ma, nɛ e hɛɛ Mawu hɛ kalɔ ɔ nɔ́ nya sɔumi nɔ́. E kpa ngmlaa wawɛɛ, nɛ e de bɔfo eywiɛ ɔmɛ nɛ Mawu ha mɛ he wami ke a kpata zugba a, kɛ wo ɔ a hɛ mi ɔ ke,

Kpojemi 13:17

Nɔ ko nɔ ko be nyɛe ma he ní, loo e maa jua ní, kaa ja a kadi lɛ kikɛ nɛ ɔ kɛ kekleekle lohwe awi yelɔ ɔ biɛ, loo yibɔ nɛ daa si ha biɛ ɔ.

Kpojemi 14:9

Mawu bɔfo etɛne ba ngɛ Mawu bɔfo enyɔ ɔmɛ a se. Nɛ e de kɛ gbi wawɛɛ ke, “Nihi tsuo nɛ jaa lohwe awi yelɔ ɔ, kɛ e we amaga a, nɛ a kɛ amaga a kadi a hɛ nya, loo a nine he ɔ, ja a nu wai nɛ daa si ha Mawu mi mi fumi ɔ. Enɛ ɔ ji wai ngmingmiingmi nɛ Mawu nitsɛ plɛ kɛ wo kplu nɛ daa si ha e mi mi fumi ɔ mi. A ma pii nimli nɛ ɔmɛ hulɔ ngɛ la nɛ ngɛ tsoe gegeege ɔ mi ngɛ Mawu bɔfo klɔuklɔu ɔmɛ, kɛ To bi ɔ a hɛ mi.