Kpojemi 7:16 - BAIBLO ALOO NGMAMI KLƆUKLƆU Ɔ

¹⁶ Hwɔ be mɛ yee hu; kuma be mɛ yee hu. Pu, loo pu la nɛ nya wa hu be mɛ sããe,

Somi He Ɔ

¹⁶ Hwɔ be mɛ yee hu, nɛ kuma hu be mɛ tɔe hu, nɛ jeha nɛ hu, pu loo latsa ko be a he sae hu;

Kpojemi 7:16 ပူးပေါင်းရင်းမြစ်များ

La 121:5

Yawɛ ji o yi baalɔ. E ngɛ o kasa nya, konɛ e bu o he.

La 121:6

Piani ɔ, pu be mo sããe, nɛ nyɔ mi hu nyɔhiɔ be mo nɔ́ ko pee.

La 143:6

I woɔ ye nine nɔ kɛ yaa hiɔwe kɛ faa kue. Bɔ nɛ zugba gbigbli hlaa nyu kɛ jɔɔ e he ɔ, ja o he kuma ngɛ mi yee.

La 42:2

Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

Lahi 1:6

Nyɛ ko hyɛ mi maa ngɛ yumi nɛ i yu ɔ he; pu la nɛ pee ye he womi ja. Ye nyɛminyumu ɔmɛ a mi mi fu mi, nɛ a ha i ya tsu ní ngɛ wai ngmɔ ɔmɛ a mi. I na we deka ko kulaa kɛ ha ye nɔmlɔ tso ɔ.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Yesaya 32:2

Nɔ tsuaa nɔ maa pee kaa wesa he ngɛ kɔɔhiɔ kɛ ahumi nya, kaa pa nɛ ywia nga ngɛ zugba kpataa nɔ, aloo kaa zugba kplanaa nɔ tɛ sa sisi hɔ̃.

Yesaya 41:17

“Ke ye ma a ní pee mɔbɔ, nɛ a nɛ nyu nɛ a nu, a kuɔ si tsuo gbli, nɛ kuma ngɛ mɛ yee ɔ, ke a fa kue kɛ tsɛ imi Yawɛ ɔ, ma bu mɛ tue. Imi Israel Mawu ɔ, i be mɛ kuae kɔkɔɔkɔ.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Yona 4:8

Benɛ pu te si ɔ, Mawu ha beleku kɔɔhiɔ ko nɛ dɔ la fia, nɛ pu ɔ sãã Yona yi mi, nɛ e miɔ nɛ e maa hɛli. Kɛkɛ nɛ e de ke, “E hi kaa ma gbo mohu pee kaa ma hi je mi.”

Mateo 13:21

Se sɛ gbi ɔ he we si ngɛ a mi, nɛ e se kɛ we hulɔ. Ke haomi, loo yi wami ba ngɛ munyu ɔ he ɔ, kɛkɛ a nane kpata.

Mateo 13:6

Se benɛ pu je ɔ, pu ɔ sãã mɛ, nɛ akɛnɛ a be sipoku he je ɔ, a ngla.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

Marko 4:17

Se e he we si ngɛ a mi; nɛ e se kɛ we. Lɔ ɔ he ɔ, ke amanehlu, loo yi mi wami te si ngɛ munyu ɔ he ɔ, a ngmɛɛɔ he oya.

Marko 4:6

Se benɛ pu je ɔ, e sã mɛ nɛ a ngla, ejakaa a be sipoku nɛ ya zu mi bɔ nɛ sa.

Luka 1:53

E ha hwɔ hwɔli ní kpakpahi nɛ a ye, nɛ a tɔ; se niatsɛmɛ lɛɛ e fie mɛ kɛ ho kɛ a dɛ gu.

Luka 6:21

“A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”