Kpojemi 7:15 - BAIBLO ALOO NGMAMI KLƆUKLƆU Ɔ

¹⁵ Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.

Somi He Ɔ

¹⁵ Lɔ ɔ he nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ se sɔlemi tsu ɔ mi ɔ nɛ; nɛ nɔ nɛ hii si ngɛ matsɛ sɛ ɔ nɔ ɔ maa ma e bo tsu ɔ ngɔ to anɔ.

Kpojemi 7:15 ပူးပေါင်းရင်းမြစ်များ

Matsɛmɛ I, 6:13

I kɛ ye ma Israel maa hi si, nɛ i be a he jee.”

Kronika I, 23:25

David de ke, “Yawɛ, Israel Mawu ɔ ha e ma a tue mi jɔmi, nɛ lɛ nitsɛ e maa hi Yerusalem daa.

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Ezekiel 37:27

I kɛ mɛ maa hi si. Ma pee a Mawu; nɛ mɛ hu a maa pee ye ma.

Mose III, 26:11

Ma pee ye sihi he ngɛ nyɛ kpɛti; i be nyɛ siee.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 13:6

E bɔni musu bɔmi munyuhi tumi kɛ si Mawu, Mawu biɛ ɔ, Mawu hi he ɔ, kɛ nihi tsuo nɛ ngɛ hiɔwe ɔ.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 21:22

I nɛ sɔlemi we ko ngɛ ma a mi. Nyɔmtsɛ Mawu Ope ɔ, kɛ To bi ɔ ji e sɔlemi we.

Kpojemi 22:3

Nɔ́ ko nɛ Mawu gbiɛ be ma a mi hie hu. Mawu, kɛ To bi ɔ matsɛ sɛ ɔ maa hi ma a mi, nɛ Mawu tsɔli ɔmɛ ma sɔmɔ lɛ.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Kpojemi 4:9

Hɛ kali eywiɛ ɔmɛ laa yi jemi la, kɛ sina la, nɛ a kɛ woɔ nɔ nɛ hii si ngɛ matsɛ sɛ ɔ nɔ, nɛ ngɛ daa a hɛ mi nyami. Ke a wo la a nɔ kikɛ nɛ ɔ,

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.