Kpojemi 6:9 - BAIBLO ALOO NGMAMI KLƆUKLƆU Ɔ

⁹ Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Somi He Ɔ

⁹ Kɛkɛ nɛ Tobi ɔ tsɔ nya sɔumi nɔ́ nɛ ji enuɔ ɔ, nɛ i na nihi nɛ a gbe ngɛ Mawu munyu ɔ kɛ odase nɛ a ye ɔ he ɔ a klaahi ngɛ bɔsami latɛ ɔ sisi;

Kpojemi 6:9 ပူးပေါင်းရင်းမြစ်များ

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

2 Timoteo 1:8

Lɔ ɔ he ɔ, ko ha nɛ odase nɛ o maa ye ngɛ wa Nyɔmtsɛ ɔ he ɔ nɛ pee mo zo. Imi hu nɛ a wo mi tsu ngɛ Kristo he ɔ, ye he ko pee mo zo. Mohu ɔ, bɔɔ mɔde nɛ o na nɔ́ ngɛ sane kpakpa a he kaa bɔ nɛ imi hu i ngɛ nae ɔ, nɛ Mawu ma ha mo he wami nɛ o kɛ tsu nɔ́ nɛ ɔ.

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

Kpojemi 14:18

Bɔfo kpa hu nɛ ngɛ he wami ngɛ la nɔ je bɔ sami la tɛ ɔ he kɛ ba. E kpa ngmlaa wawɛɛ nɛ e de bɔfo ɔ nɛ hɛɛ ngma kpami ha nɛ nya ba a ke, “Ngɔɔ o ha nɛ nya ba a kɛ poo wai yiblii ɔmɛ, nɛ o bua nya. Wai yiblii ɔmɛ fu ngɛ ngmɔ ɔ nɔ.”

Kpojemi 1:2

Níhi nɛ Yohane na a, e ye lɛ tsuo he odase ngɛ womi nɛ ɔ mi. Enɛ ɔ ji sɛ gbi nɛ je Mawu ngɔ ɔ, kɛ anɔkuale ɔ nɛ Yesu Kristo je tsɔɔ lɛ ɔ.

Filipibi 1:23

Nɔ́ enyɔ nɛ ɔmɛ a kpɛti i ngɛ. Imi nitsɛ lɛɛ i suɔ kaa ma si wami nɛ ɔ, nɛ i kɛ Kristo ya hi si, ejakaa lɔ ɔ hi kulaa pe.

2 Korintobi 5:8

Wa nɔ gbagba te, nɛ wa na nɛ wa je wa nɔmlɔ tso ɔ mi, nɛ wa ho nɛ waa kɛ Nyɔmtsɛ Yesu ya hi si.

Mose III, 4:7

Lɔ ɔ se ɔ, e ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. É tsɛ̃ muɔ nɛ piɛ ɔ ngɔ pue bɔ sami la tɛ ɔ nɛ ngɛ kpe he bo tsu ɔ sinya nya a sisi.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 8:3

Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.

2 Timoteo 4:6

Imi lɛɛ a miɔ nɛ a ngɔ mi kɛ sã bɔ. Ee, be ɔ nɛ ma je je ɔ mi ɔ su.

Kpojemi 9:13

Jehanɛ ɔ, bɔfo ekpane ɔ kpa e titimati ɔ, nɛ i nu gbi ko nɛ ngɛ pɛe kɛ je sika tsu bɔ sami la tɛ nɛ maa si ngɛ Mawu hɛ mi ɔ koli ɔmɛ a mi.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Mose I, 4:10

Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

Mose II, 29:12

Ngɔɔ na muɔ ɔ eko nɛ o ngɔ o nine nguɛ kɛ sɔ mi nɛ o kɛ kpa bɔ sami la tɛ ɔ koli ɔmɛ a he. Lɔ ɔ se ɔ, mo plɛ muɔ ɔ nɛ piɛ ɔ tsuo kɛ pue bɔ sami la tɛ ɔ sisi.

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.