Kpojemi 6:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ okpɔngɔ kpa ba, nɛ lɛɛ e tsuɔ. Mawu ha okpɔngɔ nɔ hilɔ ɔ he blɔ nɛ e kɛ ta nɛ ba je ɔ mi, konɛ nimli nɛ gbe a he. A ha lɛ klaate gagaa ko.

Somi He Ɔ

⁴ Nɛ okpɔngɔ kpa ko nɛ tsuɔ je kpo, nɛ a ha nɔ nɛ hi e nɔ ɔ he blɔ ke e je he jɔmi kɛ je zugba a nɔ, konɛ nimli nɛ a gbe a he, nɛ a ha lɛ klaate ngua ko.

Kpojemi 6:4 ပူးပေါင်းရင်းမြစ်များ

La 17:13

Yawɛ, yaa nɛ o kɛ mɛ ya kpe nɛ o ye a nɔ. Ngɔɔ o klaate ɔ kɛ kpɔ mi kɛ je yiwutsotsɛmɛ a dɛi.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Zakaria 1:8

Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.

Zakaria 6:2

Okpɔngɔ tsu komɛ ngɛ kekleekle ta zugba lɛ ɔ gblae; enyɔne ɔ, okpɔngɔ yumuhi,

Mateo 10:34

“Nyɛ ko susu kaa i ba, konɛ ma ha nɛ he jɔmi nɛ ba je ɔ mi. Dɛbi, pi he jɔmi hami nɛ i ba; se klaate mohu i kɛ ba.

Mateo 24:6

Nyɛ maa nu tahi a he, kɛ akeake hu nɛ ngɛ pɛe ngɛ tahi a he. Se nyɛ tsui ko po. Ja ní nɛ ɔmɛ tsuo ba mi; se kɛ̃, lɔ ɔ tsɔɔ we kaa nyagbe ɔ su ta.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Kpojemi 12:3

Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.