Kpojemi 5:9 - BAIBLO ALOO NGMAMI KLƆUKLƆU Ɔ

⁹ Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Somi He Ɔ

⁹ Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Kpojemi 5:9 ပူးပေါင်းရင်းမြစ်များ

La 144:9

Mawu, ma la la he ha mo, ma fia kpa saku nɛ hɛɛ kpa nyɔngma kɛ je o yi.

La 149:1

Nyɛ je Yawɛ yi! Nyɛ la la he kɛ ha Yawɛ. Nyɛ je e yi ngɛ ni klɔuklɔu ɔmɛ a kpe ɔ mi!

La 33:3

Nyɛ la la he kɛ ha lɛ. Nyɛɛ fia kpa saku ɔ saminya, nɛ nyɛ hwɔ lele.

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.

La 96:1

Nyɛ la la he ha Yawɛ! Nyɛ je ɔ tsuo, nyɛ la ha Yawɛ!

La 98:1

Nyɛ la la he ha Yawɛ, ejakaa e pee nyakpɛ níhi. E ngɔ lɛ nitsɛ e he wami kpetekpleenyɛ nɛ ngɛ klɔuklɔu ɔ kɛ ye kunimi ha e he.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

Daniel 3:4

ma fiɛlɔ ko de kɛ ngmlaa ke, “Nyɛ, je ma slɔɔtoslɔɔtohi, kɛ nyɛ nihi nɛ nyɛ tuɔ gbi slɔɔtoslɔɔtohi! Mlaa nɛ matsɛ ɔ wo ji nɛ ɔ nɛ.

Daniel 4:1

Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Mateo 26:28

Enɛ ɔ ji ye muɔ nɛ a kɛ sɔu Mawu somi ɔ nya. A plɛ ye muɔ ɔ ngɔ pue si ha nihi fuu, konɛ a ngɔ a he yayamihi ngɔ pa mɛ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

1 Korintobi 7:23

Kristo hé nyɛ kɛ jua wawɛ; nyɛ ko pee nyɛ he nimli a nyɔguɛhi.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Efesobi 5:19

Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

Kolosebi 1:14

E Bi ɔ ha nɛ wa ye wa he; ee, e kɛ wa he yayami pa wɔ.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 11:14

Enɛ ɔ tsɔɔ kaa nihi nɛ tuɔ munyu kikɛ nɛ ɔ, ngɛ mɛ nitsɛmɛ a ma hlae.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Kpojemi 10:11

Nɛ a de mi ke, “Mawu sɛ gbi ɔ nɛ kɔɔ mahi, je mahi, gbihi, kɛ matsɛmɛ babauu a he ɔ, e sa kaa o fiɛ ekohu.”

Kpojemi 11:9

Nɛ ma amɛ, wɛtso ɔmɛ, gbi slɔɔto ɔmɛ, kɛ je ma amɛ tsuo maa hi a gbogboe ɔmɛ hyɛe gaa kikɛ nɛ ɔ ligbi etɛ kɛ fa nɛ a be kplɛɛe nɛ a pu mɛ.

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.

Kpojemi 4:11

“Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”

Kpojemi 5:12

Nɛ a ngɛ lae kɛ ngmlaa boboobo ke, “To bi nɛ a gbe ɔ, e sa kaa a ngɔ he wami, ní nami, nile, agboje, bu, hɛ mi nyami, kɛ yi jemi kɛ ha lɛ.”

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.