Kpojemi 5:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”

Somi He Ɔ

⁵ Kɛkɛ nɛ nikɔtɔma amɛ a ti nɔ kake de mi ke: “Ko fo ya! oʼɛ jata a nɛ je Yuda wɛtso ɔ mi ɔ, nɔ nɛ ji David nina a, ye kunimi, nɛ e bli womi ɔ nya, nɛ e tsɔ e nya sɔumi ni kpaago ɔ.”

Kpojemi 5:5 ပူးပေါင်းရင်းမြစ်များ

Kronika II, 9:18

Matsɛ sɛ ɔ ngɛ kpoku ekpa nɛ a kuɔɔ kɛ yaa he. A kpɛ nɔ́ nɛ a kɛ nane maa nɔ kɛ wo kpoku ɔmɛ a he, nɛ a kɛ sika tsu ha he. A pee kɔni enyɔ ngɔ wo matsɛ sɛ ɔ he hiɛ kɛ hiɛ, nɛ jata enyɔ daa si ngɛ a he; jata kake ngɛ hiɛ, nɛ jata kake hu ngɛ hiɛ.

Hiob 41:15

E he toto saminyawiiwi ɔmɛ ngɛ kaa tsɛ̃ihi nɛ a fi ngɔ bla, nɛ a to mɛ za nɔ za nɔ. A he wa pe tɛ.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yeremia 31:16

Nyɛɛ jɔɔ ya fomi, nɛ nyɛ tsu vo nyu ɔ ngɛ nyɛ hɛ mi. Níhi tsuo nɛ nyɛ pee kɛ ha nyɛ bimɛ ɔmɛ ɔ, a maa wo he hiɔ; bimɛ ɔmɛ maa je he nyɛli ɔmɛ a zugba a nɔ kɛ ba hiɛmɛ nɛ ɔ ekohu.

Daniel 7:16

I ho ya na ni nɛmɛ nɛ daa si ngɛ lejɛ ɔ a ti nɔ kake, nɛ i de lɛ ke e tsɔɔ mi ní nɛ ɔmɛ tsuo a sisi. Nɛ e pee ja.

Mose IV, 24:9

E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

Luka 23:28

Se Yesu plɛ e hɛ mi kɛ kpee mɛ, nɛ e de mɛ ke, “Yerusalem yihi! Nyɛ ko fo ya ha mi; se mohu nyɛ fo ya ha nyɛ nitsɛmɛ nyɛ he, kɛ nyɛ bimɛ.

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Luka 8:52

Ni ɔmɛ tsuo wo yana, nɛ a ngɛ jokuɛ ɔ he awe nyae. Se Yesu de mɛ ke, “Nyɛ ko fo ya; jokuɛ ɔ gbo we, mahe kɛkɛ nɛ e ngɛ hwɔe!”

Yohane 20:13

A bi Maria ke, “Maa, mɛni he je nɛ o ngɛ ya foe ɔ?” E de mɛ ke, “A wo ye Nyɔmtsɛ ɔ kɛ je, nɛ i li he nɛ a kɛ lɛ ya fɔ.”

Romabi 1:3

Sane kpakpa a kɔɔ e Bi, wa Nyɔmtsɛ Yesu Kristo he. A fɔ lɛ kaa adesa, nɛ David nina ji lɛ.

Romabi 15:12

Yesaya hu de ke, “Ishai nina ko maa ba; E maa te si nɛ e ba ye ma je li ɔmɛ a nɔ, Nɛ ma je li ɔmɛ maa ngɔ a hɛ ngɔ fɔ e nɔ.”

Hebribi 7:14

Wa Nyɔmtsɛ ɔ, wa le kaa Yuda wɛtso ɔ mi nɛ e je; nɛ Mose de we nɔ́ ko kɛ kɔ Yuda wɛtso ɔ osɔfo yemi he.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 5:4

I wo ya wawɛɛ, ejakaa a nɛ nɔ ko nɔ ko nɛ sa nɛ ma bli womi kpo ɔ nya, loo e maa kane.

Kpojemi 6:1

Jehanɛ i na nɛ To bi ɔ tsɔ nya sɔumi nɔ́ kpaago ɔmɛ a kpɛti kekleekle nɔ́ ɔ. I nu nɛ hɛ kali eywiɛ ɔmɛ a ti nɔ kake wo gbi kaa nɔ́ nɛ hiɔwe lɛ ngɛ sie, nɛ e de ke, “Ba!”

Kpojemi 7:13

Kɛkɛ nɛ nikɔtɔma amɛ a ti nɔ kake bi mi ke, “Nihi nɛ wo tade hiɔ klɔiiklɔii nɛ ɔ, mɛnɔmɛ ji mɛ, nɛ jije a je?”