Kpojemi 5:3 - BAIBLO ALOO NGMAMI KLƆUKLƆU Ɔ

³ Se nɔ ko nɔ ko be hiɔwe, loo zugba, loo zugba a sisi nɛ ma nyɛ ma bli womi ɔ nya, loo e ma nyɛ maa hyɛ mi.

Somi He Ɔ

³ Se nɔ ko nɔ ko be hiɔwe loo zugba a nɔ loo zugba a sisi nɛ ma nyɛ womi ɔ nya nɛ e bli loo nɛ e hyɛ mi.

Kpojemi 5:3 ပူးပေါင်းရင်းမြစ်များ

Yesaya 41:28

Benɛ i hyɛ ɔ, nɔ ko nɔ ko be a mawu ɔmɛ a kpɛti nɛ nyɛ́ de nɔ́ ko kulaa. Ke i bi mɛ munyu hu, nɔ ko nɔ ko nyɛ we nɛ e ha mi heto.

Romabi 11:34

Kaa bɔ nɛ ngmami ɔ deɔ ɔ, “Mɛnɔ lɛ le Nyɔmtsɛ ɔ juɛmi, aloo mɛnɔ lɛ wo lɛ ga hyɛ?

Filipibi 2:10

Kɛkɛ ɔ, he tsuaa he nɛ a maa wo e biɛ ta ngɛ ɔ, nihi nɛ ngɛ hiɔwe, kɛ ni nɛmɛ nɛ ngɛ zugba a nɔ, kɛ ni nɛmɛ nɛ ngɛ zugba a sisi ɔ, mɛ tsuo a ma kpla si ha Yesu,

Kpojemi 5:13

Nɛ i nu nɛ nibɔ níhi tsuo ngɛ hiɔwe, zugba a, kɛ zugba a sisi, kɛ wo mi, kɛ níhi tsuo nɛ ngɛ lejɛ ɔ ngɛ dee ke, “Nɔ nɛ hii si ngɛ matsɛ sɛ ɔ nɔ, kɛ To bi ɔ nɛ wa maa ngɔ yi jemi, agboje, kɛ hɛ mi nyami kɛ ha kɛ je neneene kɛ ya neneene.”

Kpojemi 5:4

I wo ya wawɛɛ, ejakaa a nɛ nɔ ko nɔ ko nɛ sa nɛ ma bli womi kpo ɔ nya, loo e maa kane.