Kpojemi 4:3 - BAIBLO ALOO NGMAMI KLƆUKLƆU Ɔ

³ Nɔ ɔ hɛ mi ngɛ kpɛe kaa yaspi kɛ sardi tɛhi nɛ a he jua wa. Alale nɛ e su ngɛ kaa emerald tɛ nɛ he jua wa po kɛ bɔle matsɛ sɛ ɔ.

Somi He Ɔ

³ Nɛ nɔ nɛ hii si ngɛ nɔ ɔ, ke o hyɛ lɛ ɔ, e ngɛ kaa tɛ nɛ he jua wa kaa yaspi kɛ sardi, nɛ alale bɔle matsɛ sɛ ɔ he, nɛ ke o hyɛ ɔ, e ngɛ kaa smaragde tɛ.

Kpojemi 4:3 ပူးပေါင်းရင်းမြစ်များ

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Kpojemi 21:11

nɛ e hɛɛ Mawu hɛ mi nyami ɔ, nɛ e ngɛ kpɛe. Ma a ngɛ kpɛe kaa tɛ nɛ he jua wa nitsɛnitsɛ, aloo yaspi tɛ; e mi hu tsɔ keikei kaa ahuhuɛ.

Kpojemi 10:1

Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.

Ezekiel 28:13

Eden, Mawu ngmɔ ɔ nitsɛ mi nɛ o hi. Tɛ kpakpa nɛ ɔmɛ tsuo o kɛ dla o he: rubi, daimond, topaz, beril, kanelian, yaspi, safiro, emerald, kɛ garnet. O ngɛ sika tsu he dlami níhi, kɛ heha ní babauu. Ligbi ɔ nɛ a bɔ mo ɔ, jamɛ a ligbi ɔ nɔuu lɛ a dla mo saminyayoo jã.

Ezekiel 1:26

Ke o hyɛ ɔ, nɔ́ ko kaa matsɛ sɛ nɛ hɛɛ tɛ bluu su ngɛ nɔ́ mluguduu ɔ nɔ́, nɛ nɔ́ ko nɛ ngɛ kaa nɔmlɔ hii si ngɛ matsɛ sɛ ɔ nɔ.

Mose II, 24:10

nɛ a na Israel Mawu ɔ. Ngɛ e nane si ɔ, a na nɔ́ ko kaa kpoku nɛ e mi tɛ̃ heii kaa hiɔwe, kaa nɔ́ nɛ tɛ nɛ a tsɛɛ safiro ɔ nɛ a kɛ pee lɛ.

Mose II, 39:11

Zã nɛ ji enyɔ ɔ mi ní ɔmɛ ji karfungkle, safiro, kɛ sardoniki.

Mose II, 28:18

Zã nɛ ji enyɔ ɔ mi ní ɔmɛ ji karfungkle, safiro, kɛ sardoniki.

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

Ezekiel 10:1

Benɛ ma hyɛ ɔ, nɔ́ ko kaa matsɛ sɛ ba je kpo ngɛ nɔ́ mluguduu ɔ nɔ ngɛ kerub ɔmɛ a yi mi. Sɛ ɔ ngɛ kaa tɛ kpakpa nɛ hɛɛ bluu su.