Kpojemi 4:2 - BAIBLO ALOO NGMAMI KLƆUKLƆU Ɔ

² Amlɔ ɔ, mumi ɔ ba ye nɔ. Nɛ hyɛ, matsɛ sɛ ko ji nɛ ɔ ngɛ hiɔwe nɛ nɔ ko hii si ngɛ nɔ.

Somi He Ɔ

² Nɛ amlɔ ɔ Mumi ɔ ba ye nɔ, nɛ oʼɛ, matsɛ sɛ ko maa si ngɛ hiɔwe, nɛ nɔ ko hii si ngɛ matsɛ sɛ ɔ nɔ.

Kpojemi 4:2 ပူးပေါင်းရင်းမြစ်များ

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

Yeremia 17:12

Wa jami he klɔuklɔu ɔ ngɛ kaa matsɛ sɛ kɛ e hɛ mi nyami saminyayoo nɛ a wo nɔ gojoo kɛ je blema.

Ezekiel 1:26

Ke o hyɛ ɔ, nɔ́ ko kaa matsɛ sɛ nɛ hɛɛ tɛ bluu su ngɛ nɔ́ mluguduu ɔ nɔ́, nɛ nɔ́ ko nɛ ngɛ kaa nɔmlɔ hii si ngɛ matsɛ sɛ ɔ nɔ.

Ezekiel 1:28

Alale su slɔɔtohi nɛ je kpo ngɛ mi ɔ ngɛ fɛu kaa nɔ́ ko. Bɔ nɛ Yawɛ hɛ mi nyami ɔ kpɛmi nɛ a be nyɛe maa kale ɔ je e he kpo ji nɛ ɔ nɛ. Benɛ i na nɔ́ nɛ ɔ, i tsɔ fia si, nɛ i ngɔ ye hɛ mi ngɔ bu zugba. Kɛkɛ nɛ i nu gbi ko nɛ ngɛ mi dee ke,

Ezekiel 10:1

Benɛ ma hyɛ ɔ, nɔ́ ko kaa matsɛ sɛ ba je kpo ngɛ nɔ́ mluguduu ɔ nɔ ngɛ kerub ɔmɛ a yi mi. Sɛ ɔ ngɛ kaa tɛ kpakpa nɛ hɛɛ bluu su.

Daniel 7:9

Benɛ i ngɛ nɔ́ nɛ ɔ hyɛe kɛ mwɔɔ ɔ, a kɛ matsɛ sɛhi ba ma si, nɛ nɔ nɛ ngɛ daa a ba hi si ngɛ kake nɔ. E tade hiɛ futaa kaa snoo, nɛ e yi bwɔmi ngɛ kaa to he bwɔmi ngmingmiingmi. E matsɛ sɛ ɔ, kɛ tlɔɔke nane ɔ nɛ sɛ ɔ maa si ngɛ nɔ ɔ tsuo ngɛ tsoe gegeege.

Mateo 22:43

Yesu bi mɛ ke, “Mɛni he je mɔ nɛ mumi ɔ ba David nɔ, nɛ e tsɛ lɛ ‘Nyɔmtsɛ’ ɔ? David ke,

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Kpojemi 12:5

Yo ɔ ba fɔ binyumu, nɔ nɛ maa ye je ɔ tsuo nɔ kɛ he wami kpetekpleenyɛ. Se bɔfo ko ba ngɔ bi nɛ ɔ kɛ ho Mawu ngɔ ya ngɛ e matsɛ sɛ ɔ nɔ.

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.

Kpojemi 19:4

Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 21:10

Kɛkɛ nɛ mumi ɔ ba ye nɔ, nɛ bɔfo ɔ ngɔ mi kɛ ho yo gagaa ko yi mi ya. E tsɔɔ mi Yerusalem, ma klɔuklɔu ɔ nɛ je hiɔwe ngɛ Mawu ngɔ kɛ ma zugba a;

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke, “Hyɛ, i ngɛ níhi tsuo pee ehe!” E de imi hulɔ ke, “Ngmaa enɛ ɔ, ejakaa anɔkuale munyu nɛ sa kaa a he ye ji nɛ ɔ nɛ.”

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,

Kpojemi 4:5

I na nɛ oslabai gba, nɛ i nu gbihi, nɛ hiɔwe hu si kɛ je matsɛ sɛ ɔ mi. Jatɛ kpaago nɛ a su, ngɛ tsoe ngɛ matsɛ sɛ ɔ hɛ mi; lɔ ɔ ɔmɛ ji mumi slɔɔto kpaago ɔmɛ nɛ sɔmɔɔ Mawu ɔ nɛ.

Kpojemi 4:9

Hɛ kali eywiɛ ɔmɛ laa yi jemi la, kɛ sina la, nɛ a kɛ woɔ nɔ nɛ hii si ngɛ matsɛ sɛ ɔ nɔ, nɛ ngɛ daa a hɛ mi nyami. Ke a wo la a nɔ kikɛ nɛ ɔ,

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.

Kpojemi 5:13

Nɛ i nu nɛ nibɔ níhi tsuo ngɛ hiɔwe, zugba a, kɛ zugba a sisi, kɛ wo mi, kɛ níhi tsuo nɛ ngɛ lejɛ ɔ ngɛ dee ke, “Nɔ nɛ hii si ngɛ matsɛ sɛ ɔ nɔ, kɛ To bi ɔ nɛ wa maa ngɔ yi jemi, agboje, kɛ hɛ mi nyami kɛ ha kɛ je neneene kɛ ya neneene.”

Kpojemi 6:16

A de yo ɔmɛ, kɛ tɛ sa amɛ ke, “Nyɛ ba ha wa nɔ, konɛ nɔ nɛ hii si ngɛ matsɛ sɛ ɔ nɔ ɔ ko na wɔ, nɛ́ To bi ɔ hu ko gbla wa tue!