Kpojemi 4:11 - BAIBLO ALOO NGMAMI KLƆUKLƆU Ɔ

¹¹ “Wa Nyɔmtsɛ, kɛ wa Mawu! Mo ji nɔ nɛ sa kaa a ngɔ hɛ mi nyami, bu, kɛ he wami kɛ ha. Mo lɛ o bɔ níhi tsuo; o bɔ mɛ bɔ nɛ o suɔ kaa a hi. Nɛ a ngɛ ja pɛ!”

Somi He Ɔ

¹¹ “Wa Nyɔmtsɛ kɛ wa Mawu, mo ji nɔ nɛ sa kaa O ngɔ hɛ mi nyami kɛ agboje kɛ he wami ɔ Ejakaa mo lɛ ɔ bɔ nihi kulaa, Nɛ o suɔmi nya a ngɛ nɛ a bɔ mɛ ngɛ.”

Kpojemi 4:11 ပူးပေါင်းရင်းမြစ်များ

Mose I, 1:1

Sisije ɔ, benɛ Mawu bɔ hiɔwe kɛ zugba a,

Samuel II, 22:4

Ma fa kue ha Yawɛ; e ma kpɔ mi ngɛ ye he nyɛli a dɛ mi. A je Yawɛ yi.

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

Hiob 36:3

Ma ngɔ ye nile nɛ hiɛ babauu ɔ kɛ tsɔɔ mo kaa Mawu nɛ bɔ mi ɔ, dalɔ ji lɛ.

La 18:3

Ma tsɛ Yawɛ, nɛ e ma je mi kɛ maa je ye he nyɛli a dɛ mi. A je Yawɛ yi!

La 68:34

Nyɛɛ fiɛ Mawu he wami ɔ; e ngɛ he wami ngɛ Israel nɔ; e ngɛ hiɔwe nɔ he wami hulɔ.

Mose II, 20:11

ejakaa ligbi ekpa Yawɛ ngɔ kɛ pee hiɔwe, zugba, kɛ wo kɛ a mi nɔ́ tsuaa nɔ́, nɛ ligbi nɛ ji kpaago ɔ, e jɔɔ e he. Enɛ ɔ he je nɛ e gbaa Hejɔɔmi ligbi ɔ, nɛ e pee lɛ klɔuklɔu ɔ nɛ.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

Yeremia 10:11

Nyɛ de mɛ ke, jamɛ a mawu ɔmɛ nɛ a ngɛ jae, nɛ pohu pi mɛ nɛ a pee hiɔwe kɛ zugba a, a hɛ mi ma kpata. A be mɛ nae ngɛ je ɔ mi he ko he ko hu.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Ni Tsumi 17:24

Mawu, nɔ nɛ bɔ je ɔ, kɛ e mi níhi tsuo ɔ, lɛ ji hiɔwe kɛ zugba Nyɔmtsɛ; nɛ e hí sɔlemi tsu nɛ a kɛ nine pee mi.

Romabi 11:36

Ejakaa Mawu lɛ bɔ níhi tsuo; lɛ nɛ ngɛ he wami ngɛ nɔ́ tsuaa nɔ́ nɔ; nɛ mɛ tsuo a woɔ e hɛ mi nyami kɛ yaa neneene! Amen!

Efesobi 3:9

Mawu ke ma fiɛ, konɛ je ɔ tsuo nɛ nu bɔ nɛ laami sane nguaa nɛ ɔ ma plɛ kɛ ba mi ha. Mawu nɛ́ bɔ níhi tsuo ɔ, ngɔ laami sane nɛ ɔ kɛ laa yi nɔhi nɛ be ɔ.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Hebribi 1:10

Mawu de hulɔ ke, “Mo Nyɔmtsɛ, blema lokoo ɔ, mo lɛ o bɔ je ɔ; mo nitsɛ lɛ o bɔ hiɔwe kɛ zugba.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Kpojemi 10:6

nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kpojemi 19:1

Enɛ ɔ se ɔ, i nu nɛ nɔ́ ko ngɛ pɛe ngɛ hiɔwe boboobo kaa nihi babauu a gbi ke, “A je Mawu yi! Mawu ji wa yi wami helɔ! E je agbo, nɛ e ngɛ he wami!

Kpojemi 5:12

Nɛ a ngɛ lae kɛ ngmlaa boboobo ke, “To bi nɛ a gbe ɔ, e sa kaa a ngɔ he wami, ní nami, nile, agboje, bu, hɛ mi nyami, kɛ yi jemi kɛ ha lɛ.”

Kpojemi 5:2

Nɛ i na bɔfo kpetekpleenyɛ ko nɛ ngɛ fiɛe kɛ ngmlaa ke, “Mɛnɔ lɛ sa kaa e tsɔ womi nya sɔumi ní ɔmɛ, nɛ e bli womi kpo ɔ nya?”

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.