Kpojemi 3:9 - BAIBLO ALOO NGMAMI KLƆUKLƆU Ɔ

⁹ Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.

Somi He Ɔ

⁹ Oʼɛ, i kɛ ni komɛ nɛ je Satan kpe he ɔ nɛ deɔ ke Yudafohi ji mɛ se e be mi ja, se mohu lakpa mohu a ngɛ yee ɔ maa ba o hɛ mi; oʼɛ, ma ha nɛ a ba nɛ a ba nu o nane nɛ a ja mo, konɛ a le kaa imi lɛɛ i suɔ mo.

Kpojemi 3:9 ပူးပေါင်းရင်းမြစ်များ

Ester 8:17

Ma tsuaa ma mi, ngɛ nɔ yemi he ɔmɛ tsuo, he nɛ a maa kane matsɛ ɔ fiɛmi ɔ ngɛ ɔ, Yuda bi ɔmɛ tsuo a bua jɔɔ a he, nɛ a yeɔ nyami ligbi; a tsɛɔ ní yemi, nɛ a nyaa wawɛɛ. Anɔkuale mi ɔ, ni kpahi babauu ba pee a he Yuda bi, ejakaa jehanɛ lɛɛ, a ngɛ Yuda bi ɔmɛ gbeye yee.

Mose II, 11:8

O tsɔli ɔmɛ tsuo ma ba kpla si ha mi, nɛ a ma kpa mi pɛɛ ma de ke, ‘Nyɛɛ ho, nyɛɛ kɛ nihi nɛ nyɛɛ nyɛ se ɔ tsuo.’ Lɔ ɔ se ɔ, ma je.” Nɛ Mose kɛ mi mi la nɛ nya wa je Farao ɔ hɛ mi.

Yesaya 43:4

Akɛnɛ o he jua wa ha mi, akɛnɛ o hɛ mi ba nyami, nɛ i suɔ mo he je ɔ, ma ngmɛɛ je mahi kɛ a mi bi ɔmɛ a he ngɔ ha, konɛ ma he o yi wami.

Yesaya 45:14

Yawɛ de Israel ke, “Egipt juetli, kɛ Sudan nijua ní ma ba pee o nɔ́, nɛ Seba bi, nimli gagahi ma ba pee o nyɔguɛhi; a maa bɔ mɛ pã kɛ ba o ngɔ; a ma ba kpla si ha mo, nɛ a ma kpa mo pɛɛ ngɛ he si bami mi ke, ‘Niinɛ, Mawu nɛ kɛ mo ngɛ ɔ, lɛ nɔ kake too ji Mawu; ekpa ko be hu.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Samuel I, 2:36

Nɛ ni nɛmɛ nɛ maa piɛ ngɛ o we ɔ mi ɔ, ja a ya jamɛ a osɔfo ɔ ngɔ nɛ a ya ba sika, loo niye ní; aloo ja a ya kpa pɛɛ kaa a ngmɛ mɛ blɔ nɛ a piɛ osɔfo ɔmɛ a he kɛ tsu ní, loko a ma na a nya mi ngma!”