Kpojemi 3:5 - BAIBLO ALOO NGMAMI KLƆUKLƆU Ɔ

⁵ Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

Somi He Ɔ

⁵ Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

Kpojemi 3:5 ပူးပေါင်းရင်းမြစ်များ

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

Malaki 3:17

Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.

Mateo 10:32

“Lɔ ɔ he ɔ, nɔ tsuaa nɔ nɛ maa wo ye ta ngɛ nimli a hɛ mi ɔ, imi hu ma wo e ta ngɛ Tsaatsɛ nɛ ngɛ hiɔwe ɔ hɛ mi.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Luka 12:8

“I ngɛ nyɛ dee ke, nɔ tsuaa nɔ nɛ maa jaje ngɛ nimli a hɛ mi kaa e ngɛ ye blɔ fa mi ɔ, Nɔmlɔ Bi ɔ hu maa pee ja ha lɛ ngɛ Mawu bɔfo ɔmɛ a hɛ mi.

Mose V, 9:14

Ha mi blɔ nɛ ma kpata a hɛ mi, nɛ́ nɔ ko nɔ ko kó kai mɛ gblegbleegble hu. Lɔ ɔ se ɔ, ma pee mo tsɛ ha ma ko nɛ kle, nɛ e he wa pe mɛ.’

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 19:8

Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.

Kpojemi 2:11

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue. “Ni nɛmɛ nɛ maa ye kunimi ɔ, gbenɔ enyɔne ɔ be mɛ nae.

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.

Kpojemi 6:11

A ha a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ yaa si a maa gbe a nyɛmimɛ Kristo se nyɛɛli ɔmɛ tsuo nɛ piɛ ɔ kaa bɔ nɛ a gbe mɛ nitsɛmɛ ɔ. Nimli nɛ ɔmɛ hu sɔmɔɔ Mawu kaa mɛ kɛ̃.

Samuel I, 17:25

Israel bi ɔmɛ de a he ke, “Tse nyɛ na nyumu nɛ ɔ? Hyɛ, Israel ahlua nɛ e ma bɔmi nɛ ɔ nɛ. Matsɛ Saul wo si kaa nɔ nɛ ma nyɛ maa gbe lɛ ɔ, e maa wo lɛ ní babauu. Jehanɛ hu e kɛ e biyo ma ha lɛ, nɛ e tsɛ weku li maa ye a he kɛ je ma tó tsumi kɛ sɔmɔmi mi.”