Kpojemi 3:20 - BAIBLO ALOO NGMAMI KLƆUKLƆU Ɔ

²⁰ Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.

Somi He Ɔ

²⁰ Oʼɛ i daa si ngɛ sinya a se nɛ i ngɛ sie; ke nɔ ko nu ye gbi nɛ e bli sinya a, ma ba e ngɔ nɛ i kɛ lɛ ma ba ye ni nɛ lɛ hu e kɛ mi maa ye.

Kpojemi 3:20 ပူးပေါင်းရင်းမြစ်များ

Mateo 24:33

Jã nɔuu, ke nyɛ hu nyɛ na ní nɛ ɔmɛ tsuo ɔ, nyɛɛ le kaa Nɔmlɔ Bi ɔ su si ta; e ngɛ agbo ɔ nya haa kɛ ma.

Luka 17:8

Dɛbi, nɔ́ nɛ o ma de lɛ mohu ji, ‘Yaa nɛ o ya hoo ní ha mi. Lɔ ɔ se ɔ, dla o he, nɛ o ba sɔmɔ mi kɛ yaa si ma ye ní nɛ ma nu nɔ́ ko. Ke i gbe nya, konɛ mo hu o ya ye ní nɛ o nu nɔ́ ko.’

Yohane 10:3

nɛ agbo ɔ nya bulɔ ɔ bliɔ haa lɛ. To ɔmɛ le e gbi, ejakaa e kɛ a biɛ tsɛɔ mɛ, nɛ e tsɔ́ɔ́ mɛ kɛ jeɔ kpo.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”