Kpojemi 3:15 - BAIBLO ALOO NGMAMI KLƆUKLƆU Ɔ

¹⁵ I le ní nɛ o tsuɔ. I le kaa o be yluduu, nɛ o be kalakala hulɔ. I ná nɛ o ngɛ yluduu, loo kalakala!

Somi He Ɔ

¹⁵ I le oni tsumi ɔmɛ kaa o be yluduu nɛ o be kɛlakɛla hulɔ. Oo, jinɛ o ko pee yluduu loo o ko pee kɛlakɛla!

Kpojemi 3:15 ပူးပေါင်းရင်းမြစ်များ

Romabi 12:11

Nyɛ ko pee hejɔ, mohu nyɛɛ kɛ hɛdɔ nɛ tsu ní. Nyɛ sɔmɔ Nyɔmtsɛ ɔ kɛ nyɛ tsui tsuo.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.

Mateo 24:12

Yayami maa pɔ he ngɛ zugba a nɔ tsuo, nɛ nɔ́ nɛ ɔ ma ha nihi fuu a nine mi maa je wu.

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

Filipibi 1:9

I ngɛ Mawu pɛɛ kpae kaa suɔmi nɛ nyɛ ngɛ kɛ ha nyɛ sibi ɔ mi nɛ wa, nɛ nyɛ ná nile nɛ ma ha nyɛ nɔ́ se kɔmi mumi,

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

Hosea 10:2

A yi Mawu anɔkuale, lɔ ɔ he ɔ, a maa gbla a tue ngɛ a yayami ɔmɛ a he. Yawɛ maa ku a bɔ sami la tɛ ɔmɛ, kɛ titima amɛ kɛ pue si.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Hosea 7:8

Yawɛ ke, “Israel ma a ngɛ kaa abolo nɛ be fa kɛ fa. Israel ngɔ e hɛ ngɔ fɔ mahi nɛ bɔle lɛ ɔ a nɔ,

Kpojemi 3:16

Se akɛnɛ o ngɛ kulɔkulɔ, akɛnɛ o be yluduu, nɛ o be kalakala hu he je ɔ, ma sú mo ngɔ pue he kaa a suɔ lada.