Kpojemi 22:9 - BAIBLO ALOO NGMAMI KLƆUKLƆU Ɔ

⁹ Se e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ, gbali ɔmɛ, kɛ nihi tsuo nɛ pɛtɛɔ munyuhi nɛ ngɛ womi nɛ ɔ mi ɔ he ɔ. Já Mawu mohu!”

Somi He Ɔ

⁹ Nɛ e de mi ke: “Koo pee! ejakaa o nyɛmi sɔmɔlɔ kɛ gbali kɛ nihi nɛ toɔ kikɛmɛ a womi nɛ mi munyu ɔmɛ a kpɛti nɔ ko ji mi; ja Mawu mohu!”

Kpojemi 22:9 ပူးပေါင်းရင်းမြစ်များ

Matsɛmɛ II, 17:36

Nyɛɛ ye imi Yawɛ mohu gbeye; ejakaa imi nɛ i kɛ he wami kɛ kɔni si wami je nyɛ kɛ je Egipt zugba a nɔ. Nyɛ ja mi, nɛ nyɛɛ sã bɔ kɛ ha mi.

La 45:11

kɛkɛ o he fɛu ɔ maa pee matsɛ ɔ akɔnɔ; lɛ ji o nyɔmtsɛ, lɔ ɔ he ɔ, ba o he si ha lɛ.

Mose II, 34:14

“Mo ko ja mawu kpa ko, ejakaa imi Yawɛ Mawu ɔ, a kɛ mi plee we nɔ́ he.

Mateo 4:9

nɛ e de Yesu ke, “Ke o kpla si nɛ o ja mi ɔ, ma ngɔ enɛ ɔmɛ tsuo kɛ ha mo.”

Luka 4:7

Lɔ ɔ he ɔ, ke o kpla si nɛ o ja mi ɔ, enɛ ɔmɛ tsuo maa pee o nɔ́.”

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 22:10

Bɔfo ɔ ya nɔ nɛ e de mi ke, “Koo sɔu munyuhi nɛ a gba ngɔ to, nɛ ngɛ womi nɛ ɔ mi ɔ nya, ejakaa be ɔ su.

Kpojemi 22:18

Imi Yohane, i ngɛ nɔ tsuaa nɔ nɛ maa nu munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ kɔkɔ bɔe. Mo nɔ nɛ o kɛ nɔ́ ko maa piɛ ní nɛ ɔmɛ a he ɔ, haomi kpaago nɛ a wo ta ngɛ womi nɛ ɔ mi ɔ, Mawu maa ngɔ eko kɛ piɛ he kɛ gbla o tue.

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.