Kpojemi 22:7 - BAIBLO ALOO NGMAMI KLƆUKLƆU Ɔ

⁷ Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Somi He Ɔ

⁷ “Oʼɛ i ma nɔuu. A gbaa nɔ nɛ kɛ kikɛmɛ a womi nɛ mi gbami munyu ɔmɛ toɔ ɔ.”

Kpojemi 22:7 ပူးပေါင်းရင်းမြစ်များ

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 1:3

A gbaa nɔ nɛ kaneɔ womi nɛ ɔ. Nihi nɛ nuɔ sɛ gbi nɛ a gba ngɔ to ngɛ womi nɛ ɔ mi, nɛ a yeɔ nɔ ɔ, á gbaa mɛ. Ejakaa be ɔ nɛ ní nɛ ɔmɛ tsuo maa ba mi ɔ su ta.

Kpojemi 16:15

Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”

Kpojemi 2:16

Lɔ ɔ he ɔ, mo tsake o tsui! Ke pi ja a, ma ba o ngɔ be kpiti. Ma ngɔ klaate nɛ ngɛ ye nya mi ɔ, nɛ i kɛ jamɛ a ni ɔmɛ maa hwu ta.

Kpojemi 22:12

Yesu ke, “Bu tue! I ma nɔuu! I hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ ní nɛ e tsu ɔ nya.

Kpojemi 22:18

Imi Yohane, i ngɛ nɔ tsuaa nɔ nɛ maa nu munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ kɔkɔ bɔe. Mo nɔ nɛ o kɛ nɔ́ ko maa piɛ ní nɛ ɔmɛ a he ɔ, haomi kpaago nɛ a wo ta ngɛ womi nɛ ɔ mi ɔ, Mawu maa ngɔ eko kɛ piɛ he kɛ gbla o tue.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Kpojemi 22:21

Wa Nyɔmtsɛ Yesu dloomi ɔ kɛ ni klɔuklɔu ɔmɛ tsuo nɛ hi si. Amen.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.