Kpojemi 22:3 - BAIBLO ALOO NGMAMI KLƆUKLƆU Ɔ

³ Nɔ́ ko nɛ Mawu gbiɛ be ma a mi hie hu. Mawu, kɛ To bi ɔ matsɛ sɛ ɔ maa hi ma a mi, nɛ Mawu tsɔli ɔmɛ ma sɔmɔ lɛ.

Somi He Ɔ

³ Nɛ musu ko musu ko be lejɛ ɔ hu. Mawu kɛ Tobi ɔ matsɛ sɛ ɔ maa ma si ngɛ e mi, nɛ e sɔmɔli ɔmɛ ma sɔmɔ lɛ,

Kpojemi 22:3 ပူးပေါင်းရင်းမြစ်များ

Mateo 25:21

E nyɔmtsɛ ɔ de lɛ ke, ‘Ayekoo, tsɔlɔ kpakpa, kɛ anɔkualetsɛ! O ye anɔkuale ngɛ nɔ́ ko bɔɔ mi; ma ngɔ mo ngɔ to níhi fuu a nya. Ba nɛ o kɛ mi ba na bua jɔmi!’

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 14:3

Ke i ya nɛ i ya dla he ko kɛ to nyɛ se ɔ, ma kpale kɛ ba, nɛ ma ba ngɔ nyɛ kɛ ya hi imi nitsɛ ye ngɔ. Kɛkɛ ɔ, he nɛ i ngɛ ɔ, nyɛ hu nyɛɛ maa hi lejɛ ɔ.

Zakaria 14:11

Nimli maa kpale ba hi Yerusalem, ejakaa gbiɛmi nɛ a gbiɛ mɛ ɔ se maa po. Tue mi jɔmi maa ba Yerusalem.

Ezekiel 37:27

I kɛ mɛ maa hi si. Ma pee a Mawu; nɛ mɛ hu a maa pee ye ma.

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Kpojemi 7:10

Nɛ mɛ tsuo a kpa ngmlaa wawɛɛ ke, “Wa Mawu ɔ nɛ hii si ngɛ matsɛ sɛ ɔ nɔ ɔ, kɛ To bi ɔ pɛ ji ni nɛmɛ nɛ heɔ nɔ yi wami.”

Yohane 13:32

Nɛ ke a gu Nɔmlɔ Bi ɔ nɔ kɛ wo Mawu hɛ mi nyami ɔ, Mawu nitsɛ hu maa wo Nɔmlɔ Bi ɔ hɛ mi nyami. E ma tsu nɔ́ nɛ ɔ amlɔ nɔuu.