Kpojemi 22:18 - BAIBLO ALOO NGMAMI KLƆUKLƆU Ɔ

¹⁸ Imi Yohane, i ngɛ nɔ tsuaa nɔ nɛ maa nu munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ kɔkɔ bɔe. Mo nɔ nɛ o kɛ nɔ́ ko maa piɛ ní nɛ ɔmɛ a he ɔ, haomi kpaago nɛ a wo ta ngɛ womi nɛ ɔ mi ɔ, Mawu maa ngɔ eko kɛ piɛ he kɛ gbla o tue.

Somi He Ɔ

¹⁸ Imi Yohane i ngɛ nɔ tsuaa nɔ nɛ nuɔ kikɛmɛ a womi nɛ mi gbami munyu ɔmɛ kɔkɔ bɔe ke: Ke nɔ ko kɛ nɔ́ ko piɛ ni nɛ ɔmɛ a he ɔ, Mawu maa ngɔ haomihi nɛ a ngma ngɛ womi nɛ mi ɔ ngɔ piɛ he ngɔ ha lɛ.

Kpojemi 22:18 ပူးပေါင်းရင်းမြစ်များ

Abɛ Womi 30:6

Koo ngɔ nɔ́ ko kɛ piɛ Mawu munyu ɔmɛ a he. Ke o pee ja a, Mawu ma ka o hɛ mi, nɛ nihi tsuo maa na kaa lakpatsɛ ji mo.”

Mose III, 26:18

“Ke ní nɛ ɔmɛ tsuo na ba mi, se nyɛ bui ye munyu ɔ kɛ sa a, ma gbla nyɛ tue kɛ bɔ he si kpaago ngɛ nyɛ yayami ɔmɛ a he.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:37

Nyɛ maa nɔɔ nyɛ sibi a nɔ kaa nɔ́ nɛ ta nya fo nyɛ ngɛ tue, pohu nɔ ko nyɛɛ we nyɛ se. Nyɛ be nyɛe maa da nyɛ he nyɛli ɔmɛ a nya.

Mateo 15:13

Yesu he nɔ ke, “Tso tsuaa tso nɛ pi Tsaatsɛ nɛ ngɛ hiɔwe ɔ nɛ ma a, a maa hia.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Kpojemi 1:3

A gbaa nɔ nɛ kaneɔ womi nɛ ɔ. Nihi nɛ nuɔ sɛ gbi nɛ a gba ngɔ to ngɛ womi nɛ ɔ mi, nɛ a yeɔ nɔ ɔ, á gbaa mɛ. Ejakaa be ɔ nɛ ní nɛ ɔmɛ tsuo maa ba mi ɔ su ta.

Kpojemi 15:1

Jehanɛ ɔ, i na okadi kpa ngɛ hiɔwe; okadi nɛ ɔ kle nɛ e ngɛ nyakpɛ. I na bɔfohi kpaago nɛ a ní tsumi ji kaa a ngɔ nyagbe haomi kpaago ɔmɛ kɛ ba je ɔ mi. Haomi kpaago nɛ ɔmɛ daa si ha nyagbe tue gblami nɛ Mawu maa ngɔ kɛ ba.

Kpojemi 15:6

Bɔfo kpaago ɔmɛ nɛ hɛɛ haomi kpaago ɔmɛ ɔ je kpo kɛ je sɔlemi we ɔ. A wo tade nɛ a kɛ kploba ngmingmiingmi nɛ ngɛ kpɛe klaiklai pee; nɛ a ngɔ kpa nɛ a kɛ sika tsu pee kɛ fi a gugue.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 22:10

Bɔfo ɔ ya nɔ nɛ e de mi ke, “Koo sɔu munyuhi nɛ a gba ngɔ to, nɛ ngɛ womi nɛ ɔ mi ɔ nya, ejakaa be ɔ su.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Kpojemi 22:9

Se e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ, gbali ɔmɛ, kɛ nihi tsuo nɛ pɛtɛɔ munyuhi nɛ ngɛ womi nɛ ɔ mi ɔ he ɔ. Já Mawu mohu!”

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.