Kpojemi 22:17 - BAIBLO ALOO NGMAMI KLƆUKLƆU Ɔ

¹⁷ Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Somi He Ɔ

¹⁷ Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Kpojemi 22:17 ပူးပေါင်းရင်းမြစ်များ

La 34:8

Nyɛɛ ka Yawɛ nɛ nyɛɛ hyɛ, nɛ nyɛ maa na kaa e hi. A gbaa nɔ nɛ ngɔɔ e hɛ kɛ fɔɔ e nɔ ɔ.

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Yesaya 2:5

Jehanɛ, nyɛ Yakob nina, nyɛ ha waa nyɛɛ ngɛ la nɛ Yawɛ ha wɔ ɔ mi!

Yeremia 50:5

A ma bi ke a tsɔɔ mɛ Zion blɔ, nɛ a maa nyɛɛ nɔ kɛ ba. A ma de ke, ‘Nyɛ ha nɛ waa ngɔ wa he ya mɛtɛ Yawɛ he. Nyɛ ha nɛ waa kɛ lɛ nɛ so neneene somi nɛ a be mi poe gblegbleegble.’

Ezekiel 47:1

Nyumu ɔ ngɔ mi kɛ ba Yawɛ we ɔ agbo ɔ nya ekohu. Nyu hia kɛ je kpoku ɔ sisi, nɛ e be kɛ yaa beleku je, he nɛ Yawɛ we ɔ plɛ e hɛ mi kɛ kpee ɔ. Nyu ɔ hia kɛ je we ɔ leneyi je kɛ ya be ngɛ bɔ sami la tɛ ɔ leneyi je.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Yohane 1:37

Amlɔ nɔuu nɛ kaseli enyɔ ɔmɛ nu munyu nɛ ɔ, a ya nyɛɛ Yesu se kɛ yaa.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Yohane 4:11

Yo ɔ de lɛ ke, “Nyɔmtsɛ, vu ɔ mi kuɔ, nɛ o be nɔ́ ko hulɔ nɛ o kɛ maa yɛ nyu ɔ. Nyu nɛ haa nɔ wami ɔ, jije o ma ná kɛ je?

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yohane 4:29

“Nyɛɛ ba! Nyɛ ba hyɛ nyumu ko nɛ de mi níhi tsuo nɛ i pee hyɛ. Anɛ pi lɛ ji Kristo ɔ lo?”

Yohane 7:37

Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Romabi 3:24

Se Mawu gu dloomi nɛ e kɛ haa je ɔ yaka a nɔ kɛ wo nihi tsuo nguɔ. E pee enɛ ɔ kɛ gu Kristo Yesu nɛ ha a ye a he ɔ nɔ.

1 Korintobi 2:12

Wɔɔ lɛɛ pi je nɛ ɔ mi mumi ɔ nɛ wa ná, se mohu mumi nɛ je Mawu ngɔ ɔ, konɛ waa le níhi nɛ Mawu kɛ dloo wɔ ɔ tsuo.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Kpojemi 21:2

Kɛkɛ nɛ i na ma klɔuklɔu ɔ, Yerusalem ma he ɔ nɛ je Mawu ngɔ ngɛ hiɔwe kɛ ma zugba. A dla e he ha lɛ kaa ayɛflo nɛ a wo lɛ ní ta nɛ a kɛ lɛ yaa ha e huno.

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 21:9

Jehanɛ ɔ, bɔfo kpaago ɔmɛ nɛ hɛɛ kplu kpaago ɔmɛ nɛ nyagbe haomi kpaago ɔmɛ hyi mɛ tɔtɔɔtɔ ɔ, a ti nɔ kake ba ye ngɔ, nɛ e ba de mi ke, “Ba nɛ ma tsɔɔ mo ayɛflo ɔ nɛ ji To bi ɔ yo ɔ.”

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”