Kpojemi 22:12 - BAIBLO ALOO NGMAMI KLƆUKLƆU Ɔ

¹² Yesu ke, “Bu tue! I ma nɔuu! I hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ ní nɛ e tsu ɔ nya.

Somi He Ɔ

¹² “Oʼɛ, i ma nɔuu, nɛ i hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ e ni tsumi ɔ nya.

Kpojemi 22:12 ပူးပေါင်းရင်းမြစ်များ

Mateo 16:27

Ejakaa Nɔmlɔ Bi ɔ maa ba ngɛ e tsɛ hɛ mi nyami ɔ mi, kɛ e bɔfo ɔmɛ. Jamɛ a be ɔ, e maa wo nɔ tsuaa nɔ hiɔ ngɛ e ní tsumi nya.

Yesaya 62:11

Yawɛ ngɛ fiɛe kɛ yaa su je mi nyagbe he ɔ tɔɔ; e ke a de Zion biyo ɔ ke, “Be ɔ su jehanɛ, Yawɛ ma nɛ e ba he o yi wami. E ngɔ nihi nɛ e kpɔ ɔ kɛ ma.”

Yesaya 40:10

Nyɔmtsɛ Yawɛ ma kɛ he wami; e ngɛ tsɛ yee; e hɛɛ e ma mi bi ɔmɛ a hiɔwo kɛ ma; e maa wo nɔ tsuaa nɔ hiɔ ngɛ nɔ́ nɛ e tsu he.

1 Korintobi 3:14

Ke nɔ ko fia tsu ngɔ fɔ sisi tomi ɔ nɔ, nɛ la sa he, se tsu ɔ daa si kɛ mwɔɔ ɔ, tsu fialɔ ɔ ma na hiɔwo kpakpa.

1 Korintobi 3:8

Nɔ nɛ duɔ tso, kɛ nɔ nɛ pueɔ nɔ nyu ɔ, slɔɔto be a kpɛti; Mawu maa wo a ti nɔ tsuaa nɔ hiɔ kpakpa ngɛ ní tsumi nɛ e tsu ɔ he.

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Romabi 14:12

Lɛɛ wa ti nɔ tsuaa nɔ maa bu lɛ nitsɛ e he akɔtaa ngɛ Mawu hɛ mi.

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Zefania 1:14

Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Hiob 34:11

Mawu lɛɛ nɔ́ nɛ o tsu ɔ, lɔ ɔ he hiɔ lɛ e woɔ mo; Mawu woɔ nɔ tsuaa nɔ hiɔ bɔ nɛ sa lɛ.

La 28:4

Gbla a tue ngɛ a ní peemi ní ɔmɛ a he; gbla a tue ngɛ a yi wu tso ní ɔmɛ a he; wo mɛ hiɔ bɔ nɛ sa mɛ pɛ.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.