Kpojemi 22:1 - BAIBLO ALOO NGMAMI KLƆUKLƆU Ɔ

¹ Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Somi He Ɔ

¹ Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 22:1 ပူးပေါင်းရင်းမြစ်များ

La 46:4

Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

Yesaya 41:18

Ma ha pahi maa hia ngɛ yo kpataa amɛ a nɔ, nɛ nyu maa fo dɔ ngɛ kɔ̃ ɔmɛ a mi. Ma ha nga kplanaa a nɔ ma plɛ pee taku, nɛ nyu maa ba babaaba ngɛ zugba gbigbli ɔ nɔ.

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Yesaya 66:12

Yawɛ ke, “Ma ha nyɛ ma ná ní kpɔtɔɔ. Je ma amɛ a juetli ma ba hyi nyɛ ma a mi tɔ kaa pa nɛ hyi ywia nga. Nyɛ maa pee kaa bimwɔyo nɛ e nyɛ hɛɛ lɛ dɔdɔɔdɔ ngɛ e tɛ nɔ; bɔɔ kɛkɛ e kɛ lɛ to e kasa nya ngɛ lɛ nyɔ hae, kɛkɛ ɔ, e ngɔ lɛ ngɔ fɔ e tɛ nɔ ekohu.

Yeremia 17:13

Yawɛ, Israel ma a ngɔ a hɛ ngɔ fɔ o nɔ; nɔ tsuaa nɔ nɛ ma kua mo ɔ, zo maa gbe lɛ. A maa laa kaa biɛ nɛ a ngma ngɛ zu mi, ejakaa a kua mo Yawɛ, mo wami nyu vu ɔ.

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.

Yohane 13:32

Nɛ ke a gu Nɔmlɔ Bi ɔ nɔ kɛ wo Mawu hɛ mi nyami ɔ, Mawu nitsɛ hu maa wo Nɔmlɔ Bi ɔ hɛ mi nyami. E ma tsu nɔ́ nɛ ɔ amlɔ nɔuu.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

Kpojemi 21:11

nɛ e hɛɛ Mawu hɛ mi nyami ɔ, nɛ e ngɛ kpɛe. Ma a ngɛ kpɛe kaa tɛ nɛ he jua wa nitsɛnitsɛ, aloo yaspi tɛ; e mi hu tsɔ keikei kaa ahuhuɛ.

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 21:9

Jehanɛ ɔ, bɔfo kpaago ɔmɛ nɛ hɛɛ kplu kpaago ɔmɛ nɛ nyagbe haomi kpaago ɔmɛ hyi mɛ tɔtɔɔtɔ ɔ, a ti nɔ kake ba ye ngɔ, nɛ e ba de mi ke, “Ba nɛ ma tsɔɔ mo ayɛflo ɔ nɛ ji To bi ɔ yo ɔ.”

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Kpojemi 22:6

Kɛkɛ nɛ bɔfo ɔ de mi ke, “Anɔkuale munyu nɛ sa kaa a he ye ji nɛ ɔ nɛ. Nyɔmtsɛ Mawu, nɔ nɛ haa e mumi ɔ baa gbali ɔmɛ a nɔ ɔ, lɛ nɛ tsɔ e bɔfo ɔmɛ, konɛ a ba tsɔɔ e tsɔli ɔmɛ nɔ́ nɛ maa ba ngɛ be kpiti mi.”

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 5:13

Nɛ i nu nɛ nibɔ níhi tsuo ngɛ hiɔwe, zugba a, kɛ zugba a sisi, kɛ wo mi, kɛ níhi tsuo nɛ ngɛ lejɛ ɔ ngɛ dee ke, “Nɔ nɛ hii si ngɛ matsɛ sɛ ɔ nɔ, kɛ To bi ɔ nɛ wa maa ngɔ yi jemi, agboje, kɛ hɛ mi nyami kɛ ha kɛ je neneene kɛ ya neneene.”

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”