Kpojemi 21:6 - BAIBLO ALOO NGMAMI KLƆUKLƆU Ɔ

⁶ E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Somi He Ɔ

⁶ Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

Kpojemi 21:6 ပူးပေါင်းရင်းမြစ်များ

La 36:9

O mi lɛ wami tsuo jeɔ kɛ baa. O la a lɛ haa wɔ la.

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Yohane 4:11

Yo ɔ de lɛ ke, “Nyɔmtsɛ, vu ɔ mi kuɔ, nɛ o be nɔ́ ko hulɔ nɛ o kɛ maa yɛ nyu ɔ. Nyu nɛ haa nɔ wami ɔ, jije o ma ná kɛ je?

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Romabi 3:24

Se Mawu gu dloomi nɛ e kɛ haa je ɔ yaka a nɔ kɛ wo nihi tsuo nguɔ. E pee enɛ ɔ kɛ gu Kristo Yesu nɛ ha a ye a he ɔ nɔ.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

1 Korintobi 2:12

Wɔɔ lɛɛ pi je nɛ ɔ mi mumi ɔ nɛ wa ná, se mohu mumi nɛ je Mawu ngɔ ɔ, konɛ waa le níhi nɛ Mawu kɛ dloo wɔ ɔ tsuo.

1 Korintobi 3:12

Ni komɛ maa ngɔ sika tsu, loo sika hiɔ, loo tɛ nɛ he jua wa kɛ fia sisi tomi ɔ nɔ; ni komɛ hu maa ngɔ tso, loo gla, loo nga kɛ pee.

1 Korintobi 3:21

Lɔ ɔ he ɔ, nɔ ko nɔ ko kó fĩa ngɔ fɔ adesa ko nɔ, ejakaa mɛ tsuo a ngɛ ha nyɛ;

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”

Kpojemi 10:6

nɛ e ka kita ngɛ Mawu nɛ ngɛ kɛ yaa neneene ɔ biɛ mi. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi. Bɔfo ɔ de ke, “Mawu be tsle toe hu!

Kpojemi 16:17

Enɛ ɔ se ɔ, bɔfo kpaagone ɔ plɛ e kplu ɔ mi nɔ́ ɔ ngɔ pue kɔɔhiɔ mi. Nɛ gbi ko pɛ wawɛɛ kɛ je matsɛ sɛ ɔ he ngɛ sɔlemi we ɔ de ke, “A gbe nya!”

Kpojemi 22:13

Imi ji kekleekle no kɛ nyagbe no, sisije kɛ nyagbe!”

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”