Kpojemi 21:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke, “Hyɛ, i ngɛ níhi tsuo pee ehe!” E de imi hulɔ ke, “Ngmaa enɛ ɔ, ejakaa anɔkuale munyu nɛ sa kaa a he ye ji nɛ ɔ nɛ.”

Somi He Ɔ

⁵ Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke: “Oʼɛ, i ngɛ nihi kulaa ehe pee.” Nɛ e de mi ke: “Ngmaa, ejakaa kikɛmɛ a munyuhi nɛ ɔmɛ ji munyuhi nitsɛ nɛ maa si kpɛii.

Kpojemi 21:5 ပူးပေါင်းရင်းမြစ်များ

Yesaya 42:9

Nyɛɛ hyɛ koo! Níhi nɛ i de to blema a ba mi. Jehanɛ, ma gba nyɛ níhi nɛ maa ba. I ngɛ nyɛ dee loko a ba mi.”

Yesaya 43:19

Nɔ́ he nɛ ma pee ɔ, nyɛɛ hyɛ lɔ ɔ mohu blɔ; nɔ́ he ɔ je sisi momo; nyɛ bli nyɛ hɛngmɛ nɛ nyɛɛ hyɛ! Ma je gbɛjegbɛ ko kɛ gu nga kplanaa a nɔ, nɛ ma ha pahi maa hia ngɛ lejɛ ɔ.

Luka 5:38

Wai he ɔ, lohwe he womi tɔ hehi a mi nɛ e sa kaa a kɛ woɔ!

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Hebribi 12:27

Munyu, “Si kake ekohu” ɔ, tsɔɔ paa kaa níhi nɛ a bɔ nɛ a mimiɛ ɔ maa je a hi he, konɛ níhi nɛ a be nyɛe ma mimiɛ ɔ nɛ a hi si daa.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 1:19

Lɔ ɔ he ɔ, ngmaa nɔ́ nɛ o na nɛ ngɛ nɔ yae amlɔ nɛ ɔ, kɛ nɔ́ nɛ maa ba hwɔɔ se ɔ.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Kpojemi 22:6

Kɛkɛ nɛ bɔfo ɔ de mi ke, “Anɔkuale munyu nɛ sa kaa a he ye ji nɛ ɔ nɛ. Nyɔmtsɛ Mawu, nɔ nɛ haa e mumi ɔ baa gbali ɔmɛ a nɔ ɔ, lɛ nɛ tsɔ e bɔfo ɔmɛ, konɛ a ba tsɔɔ e tsɔli ɔmɛ nɔ́ nɛ maa ba ngɛ be kpiti mi.”

Kpojemi 4:2

Amlɔ ɔ, mumi ɔ ba ye nɔ. Nɛ hyɛ, matsɛ sɛ ko ji nɛ ɔ ngɛ hiɔwe nɛ nɔ ko hii si ngɛ nɔ.

Kpojemi 4:9

Hɛ kali eywiɛ ɔmɛ laa yi jemi la, kɛ sina la, nɛ a kɛ woɔ nɔ nɛ hii si ngɛ matsɛ sɛ ɔ nɔ, nɛ ngɛ daa a hɛ mi nyami. Ke a wo la a nɔ kikɛ nɛ ɔ,

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.