Kpojemi 21:4 - BAIBLO ALOO NGMAMI KLƆUKLƆU Ɔ

⁴ Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Somi He Ɔ

⁴ Nɛ Mawu ma tsu a hɛ mi vo nyu kulaa, nɛ gbenɔ be si hie hu, nɛ kɔmɔ yemi ko kɛ ya fomi ko kɛ nɔ nami ko hu be si hie hu, ejakaa kekle ni ɔmɛ be kɛ ho.”

Kpojemi 21:4 ပူးပေါင်းရင်းမြစ်များ

La 144:4

Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 30:19

Nyɛ Yerusalem bi, nyɛ be ya foe hu! Yawɛ ɔ, mɔbɔ nalɔ ji lɛ; ke nyɛ fa kue ha lɛ ɔ, e ma he nɔ.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 60:20

O kɔmɔ yemi ligbi ɔmɛ a se maa po. Imi Yawɛ nitsɛ ma pee la ha mo kɛ maa ya neneene; pu kɛ nyɔhiɔ lɛɛ a se maa po.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Yeremia 31:13

Jamɛ a be ɔ, yihewi ɔmɛ maa do kɛ bua jɔmi, nɛ nihewi ɔmɛ kɛ nimowi ɔmɛ tsuo ma nya. Ma jɔɔ a bua; ma ha nɛ a kɔmɔ yemi ɔ maa plɛ pee bua jɔmi, nɛ a we aywilɛho ɔ ma plɛ pee nyami.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

1 Korintobi 15:26

Nyagbe he nyɛlɔ nɛ a ma kpata e hɛ mi ji gbenɔ.

1 Korintobi 7:31

nihi nɛ a kɛ je ɔ ngɛ bɔe ɔ, a pee a ní kaa nihi nɛ puɛ we a be ngɛ je ɔ mi. Ejakaa je ɔ, bɔ nɛ e ngɛ nɛ ɔ, e se be kɛe.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Hebribi 12:27

Munyu, “Si kake ekohu” ɔ, tsɔɔ paa kaa níhi nɛ a bɔ nɛ a mimiɛ ɔ maa je a hi he, konɛ níhi nɛ a be nyɛe ma mimiɛ ɔ nɛ a hi si daa.

2 Petro 3:10

Se Nyɔmtsɛ ɔ ligbi ɔ maa ba kaa bɔ nɛ julɔ baa a. Jamɛ a ligbi ɔ, hiɔwe maa be kɛ ho kɛ kemi nɛ nya wa. Níhi nɛ ngɛ hiɔwe ɔ tsuo maa sã, nɛ a hɛ mi ma kpata, nɛ je ɔ, kɛ e mi nɔ́ tsuaa nɔ́ maa laa.

1 Yohane 2:17

Je ɔ, kɛ e mi níhi nɛ peeɔ nɔ akɔnɔ ɔ ngɛ bee kɛ yaa. Se nɔ nɛ peeɔ Mawu suɔmi nya ní ɔ, lɛɛ e ngɛ kɛ yaa neneene.

Kpojemi 20:13

Kɛkɛ nɛ wo jé ni gbogboehi tsuo nɛ ngɛ e mi ɔ ngɔ ha. Gbenɔ, kɛ gbeje hu jé ni gbogboehi tsuo nɛ a kɛ to ɔ ngɔ ha. Nɛ a kojo mɛ ngɛ nɔ́ nɛ nɔ tsuaa nɔ pee ɔ he.

Kpojemi 20:14

A hɛ gbenɔ, kɛ gbeje ngɔ fɔ taku kɛ e mi la nɛ ngɛ tsoe gegeege ɔ mi. Lɔ ɔ ji gbenɔ enyɔne ɔ nɛ.

Kpojemi 21:1

Jehanɛ ɔ, i na hiɔwe he, kɛ zugba he, ejakaa kekleekle hiɔwe, kɛ kekleekle zugba a be kɛ ho. Nɛ wo be hu.

Kpojemi 22:3

Nɔ́ ko nɛ Mawu gbiɛ be ma a mi hie hu. Mawu, kɛ To bi ɔ matsɛ sɛ ɔ maa hi ma a mi, nɛ Mawu tsɔli ɔmɛ ma sɔmɔ lɛ.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”